The Definitive Guide to Living in the Capital , Cairo , Egypt

Z ريستورانت – Z Restaurant

Z ريستوران: أكل سعره معقول فى ميدان التحرير

  • 3 ميدان التحرير
  • مصري
  • 27947073
  • 11 صباحًا - 1 صباحًا
تم التقييم بواسطة
Katie Dryden
قيم
قيم الآن
Z ريستوران: أكل سعره معقول فى ميدان التحرير

أحدث إضافات قطاع المطاعم الصغيرة والرخيصة فى القاهرة هو ” Z ريستوران – Z Restaurant”. فى ميدان التحرير، وتحديدًا بين هارديز وعلى بابا، Z يتكون من ديكورات بسيطة جدًا من كراسى وترابيزات خشب، وصور أكل على الحوائط.

أول حاجة شدتنا فى Z هى المنيو الجيدة وأسعارها الرخيصة. المطعم متخصص فى معظم أصناف الأكلات السريعة مع مجموعة من الأطباق العالمية على الطريقة المصرية. كل الأطباق الرئيسية سعرها واحد (25 جنيه) وبـ توصل لك بكمية كبيرة تقدر تشبع أى مواطن مصرى جعان.

طلبنا كفتة بالأرز (25 جنيه) سعرها يعتبر معقول جدًا، بالنظر لكمية الأرز والكفتة الكبيرة؛ طعم الأرز كان عادم شوية، لكن عصارة الكفتة قدرت تعوض الطعم خصوصًا لما تضيف كاتشب.

طلبنا كمان فاهيتا فراخ بالأرز (25 جنيه) من المطبخ المكسيكى وكان طعمه أحسن كثير من اللى فات. صوص الفراخ المزز رغم أنه كان حراق شوية، كان طعمه لذيذ. الفراخ كان معاها كمية بسيطة من السلاطة وملفوف فى عيش تورتيلا طرى بحيث يقدم حاجات متنوعة تتناسب مع بعضها.

من المطبخ الإنجليزى، Z بـ يقدم روست بيف مع البطاطس، سكالوب مع البطاطس أو ستيك مع البطاطس، كلهم فى أطباق كبيرة.

بجانب الأطباق الرئيسية المتنوعة، عندك اختيارات من الباستا بولونيز (9 جنيه) مع مجموعة أرخص من الأطباق تضم تقريبًا أغلب الأطباق الرئيسية. الأطباق الرخيصة حجمها أصغر كثير وتعتبر وجبة ممتازة لطفل أو أكلة خفيفة. كمان، متوفر عدد محدود من الأطباق الجانبية، سعر الطلب الواحد 5.50 جنيه منها بابا غنوج، ومخلل وبطاطس محمرة.

Z ريستوران كمان بـ يقدم ثلاثة أحجام من الساندويتشات، سعرهم بين 5.50 جنيه و12 جنيه، ومجموعة من المشروبات الباردة والساخنة، مع مشروبات دافئة سعرها 6 جنيه ومعلبات سعرها 4 جنيه.

صحيح Z ريستوران بعيد شوية عن أجواء الموضة، لكنه يعتبر مكان كويس للاستمتاع بوجبة طعمها حلو وسعرها معقول.

نصيحة 360

الأكل فى المحل المكون من دورين بـ يكون لطيف فى الأيام الهادئة، لكن الترابيزات الثمانية فى الدور الثانى بـيزدحموا بسرعة، في أوقات بـ يكون التيك أوت هو الحل الأمثل.

أحسن حاجة

رخيص جدًا.

أسوأ حاجة

منطقة الأكل صغيرة جدًا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح