على الرغم من تقدم أبطال فيلمنا في العمر، إلا إنهم قادرين يثبتوا لنا في كل مشهد بيقوموا بيه قدرتهم على إضحاك المشاهدين وإسعادهم يمكن بشكل مش بنشوفه في آداء كتير من الفنانين الشباب.
تعالوا نتعرف أكتر على Just Getting Started.
القصة
فيلم Just Getting Started بيحكي عن قصة محامي بيدخل برنامج حماية الشهود، وعضو سابق في الـ FBI بيحصل بينهم مجموعة كبيرة من الخلافات واللي بتفجر مواقف كوميدية كتيرة، لكن لازم ينسوا الخلافات دي لما بتستهدفهم المافيا.. فقط علشان تبدأ مواقف كوميدية أكتر في الحدوث.
فريق العمل
الفيلم من تأليف وإخراج رون شيلتون، ومن بطولة مورجان فريمان وتومي لي جونز ورينيه روسو وجلين هيدلي وجو بانتوليانو وشيريل لي رالف.
الأداء التمثيلي
زي ما قولنا أبطال الفيلم مورجان فريمان وتومي لي جونز قدروا يقدموا أداء كوميدي متميز جدًا، وماكانوش هيقدروا يقدموا الأداء ده من غير الأدوار المساندة في الفيلم، واللي كانت مميزة وبتتكامل مع أدوار البطولة علشان تقدم لنا عمل مميز في النهاية.
السيناريو والحوار والإخراج
من الأمور المميزة في الفيلم اعتماده بشكل كبير على الكوميديا الناتجة عن المواقف مش عن الإيفيهات. وده لا ينفي أن الفيلم فيه إيفيهات كتير، لكن الغلبة في النهاية كانت للمواقف الكوميدية اللي كانت متفجرة ومميزة جدًا. وقدر الإخراج إنه يوازن بين الأكشن وبين الكوميديا بشكل كبير ويقدم لنا وجبة متوازنة وقوية ومميزة.
الديكورات والموسيقى والأزياء
من عوامل ضعف الفيلم الديكورات والموسيقى التصويرية، واللي كان مستواهم أقل من توقعاتنا، لكن بشكل عام مش بنتوقع إن الديكورات والموسيقى تكون مميزة بشكل كبير في فيلم تركيزه الأول والأخير على الكوميديا.
الخلاصة
فيلم Just Getting Started مميز وكوميدي ومناسب جدًا للمشاهدة في أجازه نهاية الأسبوع.
علشان تبقى عارف:
على الرغم من تصنيف الفيلم برقم 3.8 من 10 على موقع IMDB الا أن النتيجة تعتبر غير حاسمة لحد دلوقت لأن عدد المصوتين قليل جدًا (حوالي 700 شخص).
أكتب تقييم
مقترح
فن وثقافة
في الويك إند.. دليلك للسفر في رحلة بصرية مبهرة مع توت عنخ آمون
الجيزة المتحف المصري الكبير +5
معالم وسياحة
