The Definitive Guide to Living in the Capital , Cairo , Egypt

على الرغم من شعورنا بعدم اهتمام هوليود بسلسلة أفلام Men in black، بدليل الفترة الزمنية الطويلة بين كل جزء والثاني، إلا أن Men in Black: International يعتبر زيارة جيدة لعالم يستحق الاهتمام أكتر من كده.

في Men in Black: International بنشوف رحلة مجندة جديدة في صفوف أصحاب البدل السوداء. بداية من عدم معرفتها معلومات كتير عن عالم الفضاء، لحد تحولها للعميلة M. اللي بتشترك في عمليات غريبة جدًا، مليانة كائنات فضائية ومطاردات بمركبات متقدمة.

الكيمياء بين “كريس هامسورث” و”تيسا تومبسون” كانت رائعة، زي ما كانت في Thor: Ragnaro. لكن الكوميديا في الفيلم كانت ضعيفة جدًا. مش بنفس مستوى السلسلة القديمة، اللي كان “ويل سميث” بيوقعنا على الأرض من الضحك فيها.

لكن ماننكرإن الفيلم بيميزه التطور على مستوى المؤثرات الخاصة والخدع السينمائية. وقدم مستوى راقي جدًا من الخدع اللي بتخلي كل مشهد مبهر جدًا.

ما تتوقعوش من الفيلم نفس مستوى الكوميديا، ولا النوستالجيا اللي بنحس بها لما بنتفرج على الأجزاء القديمة. لكنه ينفع كفيلم خفيف نختم به الخروجة في الويك إند.