The Definitive Guide to Living in the Capital , Cairo , Egypt

قليلة هي أفلام الأنيميشن اللي بنشعر مع أحداثها أنها مناسبة للكبار والصغار، وأن الرسالة أو القيمة اللي بتقدمها مش بس موجهة للصغار لكن للكبار كمان، وده من أكتر الحاجات اللي عجبتنا في The Jungle Bunch واللي هنتكلم عنه بالتفصيل.

القصة

فيلم The Jungle Bunch بيحكي عن النمر موريس، واللي بيحاول يثبت نفسه وقدراته من خلال المحافظة على النظام والعدالة في الغابة ضد (إيجور) اللي عنده مخطط شرير بيحاول ينفذه ضد الغابة من خلال الاستعانة بمجموعة من قرود البابون.

فريق العمل

فيلم The Jungle Bunch من تأليف وإخراج  ديفيد ألوكس، وقام بالأداء الصوتي للشخصيات بول بورن وفيليب بوزو وباسكال كازانوفا وإيمانويل كورتيل وميشيل ميلا وسيلين مونتسارات.

الأداء الصوتي

من أجمل الأمور اللي عجبتنا في الفيلم قدرة كل بطل من الأبطال على تقمص الشخصية اللي بيقوم بالأداء الصوتي لها، وعلى الرغم من أن الموضوع ده ممكن يعدي على كتير من المشاهدين بدون انتباه، لكن في الحقيقة من أصعب الأمور هي قدرة الممثل على توصيل مشاعرة وإحساسه فقط باستخدام صوته.

السيناريو والحوار والإخراج

سيناريو الفيلم كان جميل وسريع، وأجبرنا على المشاهدة من البداية للنهاية، لكن الفيلم لم يحمل أي مفاجآت على صعيد الحبكة أو السيناريو وده اللي خلى بعض المشاهدين يشعروا ببعض الملل، أما حوار الفيلم فكان كوميدي وجميل وإخراج الفيلم بشكل عام كان جيد.

الموسيقى والتحريك والجرافيك

تحريك الشخصيات على الشاشة كان سلس وسهل، كمان الألوان وتنوعها جعلنا نشعر أننا بنشاهد كرنفال من الألوان والمشاهد الطبيعية، وزوايا التصوير وطريقة تناولها على الشاشة كانت من الأمور اللي زادت من إعجابنا بالفيلم.

الخلاصة

فيلم The Jungle Bunch بيقدم أنيميشن مسلي للكبار والصغار على حد سواء، وننصح بمشاهدته في الويك أند.

علشان تبقى عارف:

تقييم الفيلم على موقع IMDB  وصل إلى 5 من 10.