The Definitive Guide to Living in the Capital , Cairo , Egypt

مطاعم

جوائز اختيارات المحررين لعام 2014 لأفضل المطاعم الآسيوية في القاهرة

جوائز اختيارات المحررين لعام 2014 لأفضل المطاعم الآسيوية في القاهرة
بواسطة
Cairo 360

مش صعب أنك تلاقى مطاعم بـ تقدم المطبخ الآسيوي في أنحاء كايرو، بس الأصعب أنك تلاقى مكان يأخذك فعلًا لآسيا ويرجعك ثاني وأنت على كرسيك. فيه أسباب كثير تجعلنا ندرج الأكل الآسيوي ضمن مأكولاتنا المفضلة كقاهريين، يمكن خلطة التوابل المميزة، والتنوع في الاختيارات، ويمكن الإحساس الجميل بالتغيير مع غرابة الأكل الآسيوي بالرغم من أن كل مطابخ العالم أصبحت موجودة في مصر وما بقاش فيه حاجة غريبة علينا تقريبًا. اختارنا لك أكثر المطاعم اللي بـ تمثل المطبخ الآسيوي أحسن تمثيل، من أول السوشي الياباني وحتى الأكل التايلاندي. ودي المجموعة اللي تم اختيارها:

 

سايجون ريستوران & لاونج – Saigon Restaurant & Lounge

لما تفكر فى كلمة لاونج عبارة عن إيه، فأقرب حاجة تشرح معنى الكلمة هو “سايجون ريستوران &  لاونج” الموجود فى فيرمونت نايل سيتى؛ موسيقى جاز حية، أثاث رقيق وديكورات أنيقة، ده المكان اللى بـ تحصل فيه العجايب.

 

زينترو – Zentro

حيث البساطة المعبرة عن أقصى درجات الرقى، طبق الهونى بلوم تشيكن عندهم حكاية، ومشروب زينترو سبيشال كوكتيل، ده غير ديكور المكان الرائع، منذ افتتاحه قريب رفع الرهان لكل منافسيه.

 

إيت – 8

موجود في فندق الفورسيزونز، ويعتبر من أهم المطاعم الصينية في العاصمة بأفضل مكونات موجودة وأحسن تجهيز للمأكولات، مطعم من الآخر بعيد كل البعد عن الشكل التقليدي للمطاعم الصينية المنتشرة في المدينة.

 

بيرد كيج – Birdcage

في فندق إنتركونتيننتال سميراميس بجاردن سيتي، هـ تجرب الأكل الحار اللي على حق، هناك الأطباق التايلاندي اللى مليانة بالنكهات والتوابل، اختيار راقي وكمان مناسب لك علشان تبهر به خطيبتك، أو تأخذ فيه عشاء عمل.

 

آسيا بار – Asia Bar

موجود فى مركب “بلو نايل” فى الزمالك، لو كنت فاكر من اسمه أنه بـ يقدم بس سوشي وشوية مشروبات تبقى غلطان، آسيا بار بـ يقدم اختيارات مختلفة للمطبخ الآسيوي من جميع أنحاء آسيا.

 

ميراي – Mirai

ميراي بـ يحاول يقدم تجربة أكل آسيوية راقية ما حصلتش، مع الديكورات والأجواء اللطيفة وإمكانية أنك تشوف طباخين التبانياكى وهما شغالين، والخدمة الودودة والأكلات الشهية، كلهم بـ يجعلوا من ميراى إضافة مميزة، طبعًا مع موقعه الرائع المجاور للنيل فى الزمالك.

 

شوجن –  Shogun

فى إنتركونتيننتال سيتى ستارز، “شوجن” بـ يقدم تجربة يابانية بحق وحقيق، اللعب بمكونات الأكل وتحضيره على طريقة النينجا بـ يخلى الناس مستنية على نار تجرب الأكل، وجنبه طبعًا قدرة المطبخ اليابانى على تحضير كل النكهات والأذواق الممكنة، ما كانتش مفاجأة أن الناس بـ ترجع لهم مرة ثانية.

 

مبروك لكل الفائزين!

مقترح