The Definitive Guide to Living in the Capital , Cairo , Egypt

في الصيف بيحلى الخروج والانبساط، وآه لو في مكان فيه حمام سباحة! قمة المتعة. مؤخرًا فريق كايرو 360 جرب قضاء يوم في مكان مناسب للكبار والصغار، استمعنا بألعاب مختلفة، ومساحات خضراء، وحمام سباحة. في السطور الجاية هنقول لكم على تفاصيل زيارتنا لفندق “راماج ريزورت”، يلا نبدأ المتعة.

راماج ريزورت هو فندق موجودة في القاهرة الجديدة، وعندهم واحدة من أكبر الكيدز إيريا في القاهرة، وكمان عندهم حمامات سباحة لكل الأعمار بداية من سن سنتين، وده غير الكافيه والمطعم والألعاب الفردية وألعاب المغامرات وغيرها من المتعة في المكان.

حمام السباحة عندهم بيكون بسعر 120 جنيه للكبار و80 جنيه للأطفال كل أيام الأسبوع ما عدا الخميس والجمعة للكبار بيكون 150 جنيه، والجمعة للأطفال 100 جنيه، وهما للأسف مش بيوفروا خدمة “الغرفة” في الـ”داي يوز” وبالتالي اليوم كله هتقضوه في البيسين واللعب من 10 صباحًا حتى 5 مساءً.

أما الألعاب اللي عندهم فهي كتير وأسعارها متوسطة، لعبة بنتابول 50 طلقة بسعر 140 جنيه، 100 طلقة بـ170 جنيه، ولعبة الكارتنج لمدة ٦ دقايق سعرها  120 جنيه، و10 دقايق بـ150جنيه.

و ركوب الخيل فبيكون لمدة 15 دقيقة وسعره 150 جنيه، والعجل 15 دقيقة بسعر 30 جنيه، والبيتش باجي لمدة 15 دقيقة 100 جنيه، وسعر لعبة “بادل تنس” في الساعة 250 جنيه، ودخول السينما بـ60 جنيه، ومنطقة الكيدز أريا للأطفال 20 جنيه، والمدينة المرورية لمدة 15 دقيقة بـ60 جنيه، وال60 دقيقة بـ200 جنيه.

أما أسعار الغرف المبيت فتبدأ من 1100 جنيه للفردين شاملة الإفطار واستخدام حمام السباحة، وتصل إلى 2000 جنيه للجناح، وتقدروا تعرفوا أكتر عنهم من خلال صفحة الفيسبوك من هنا.

العنوان: محور المشير طنطاوي – القاهرة الجديدة – فندق راماج.

رقم التليفون: 01222341683 – 01212666604