Mohammed Sabry
غالبًا قبل أي إنترفيو لوظيفة جديدة، بتحس بقلق وتوتر شديد. ممكن يخلوك ماتعرفش ترد على الأسئلة، أو تتكلم بقلة ثقة وعدم تركيز. وده طبعًا هيخسرك الوظيفة بنسبة كبيرة. وعلشان تقدر تعدي من أي إنترفيو بنجاح، دي 5 نصائح مهمة هتساعدك على ده:
1- استعد بشكل كويس للمقابلة، وحاول تعرف إجابات الأسئلة الروتينية. والأهم تبقى عارف تتكلم كويس عن مهام شغلك الحالي لو انت شغال. علشان تقدر تشرحها لو اتسألت عنها.
2- يُفضل تعرف شوية معلومات عن الشركة اللي انت بتقدم لها. وتكون عندك خلفية كويسة عن الشغل بتاعها. ده هيزود رصيدك في النجاح.
3- الهدوء مهم جدًا في المواقف دي. بيخليك تركز أكتر، وثقتك في نفسك تزيد. وافتكر إن المقبلة دي مش نهاية العالم، في أسوأ الظروف انت مش خسران حاجة.
4- اتجنب أي مشاكل أو مواقف بتضايق، مع أي حد قبل المقابلة. علشان لو مودك مش مظبوط، أكيد تركيزك وأدائك في المقابلة هيكونوا وحشين.
5- ماينفعش تتكلم عن شغلك الحالي بشكل وحش، لو اتسألت عنه. ده هيعكس صورة سيئة عنك انت شخصيًا. حاول تتفادي أي تعليقات سلبية عنه أو عن الأشخاص فيه.
مقترح
فن وثقافة
في الويك إند.. دليلك للسفر في رحلة بصرية مبهرة مع توت عنخ آمون
الجيزة المتحف المصري الكبير +5
معالم وسياحة
