كوبون.كوم: تسوق وتخفيضات أون لاين في القاهرة
Waleed Abuarab
بـ نروح أي هايبر
ماركت ندور على العروض والتخفيضات، نفتح الجرايد والمجلات ندور على كلمة “فرصة”
أو “أوكازيون”، وبـ نفتح التليفزيون ونتابع شريط الإعلانات في القنوات مستنيين
أي عرض لُقطة ممكن نستفيد به، لدرجة اننا ممكن ندور على العروض أكتر ما ندور على المنتج
نفسه، عشان إحساسك انك مستفيد وبـ توفر بـ يبقى له متعته الخاصة بعيداً عن متعة إستخدام
الشئ نفسه. الوضع ما بـ يختلفش كتير على الإنترنت، إعلانات وعروض في كل المواقع عن
كل حاجة وأي حاجة، بس للأسف عدد كبير منها بـ يبقى وهمي أو فيه شُبهة نصب، وقليل قوي
لما يكون فيه عروض جادة ومفيدة فعلاً للمستخدم.
موقع كوبون.كوم www.cobone.com
مش بـ يقدم عروض؛ ده هو أصلاً موقع عروض، أو بـ يتقال عليه (موقع
شراء جماعي). عرض أو ( Deal )
بـ يتقدم لمدة محددة على الصفحة الرئيسية، يوم أو يومين أو أسبوع على حسب. ولو السعر
الأصلي للمنتج أو الخدمة المعروضة مثلاً 100 جنيه، ممكن تاخدها بـ 30 جنيه من خلال
الموقع، على شرط أن حد أدنى من مشتركي الموقع يشتروه، 10 أفراد مثلاً، في الحالة دي
انت بـ تستفيد بالخصم اللي بـ يتراوح ما بين 50% لـ 90% على حسب الـ Deal اللي موجود، ولو ماوصلش عدد المشتركين
للحد الأدنى اللي الموقع محدده، بـ يتلغي العرض وبـ تسترد فلوسك. وهنا ييجي دورك كمستخدم
عايز يستفيد بالعرض، فـ بـ تدعو أصحابك ومعارفك عشان يشتروا نفس العرض معاك، وكله يستفيد
بالخصم. طبعاً فكرة عبقرية والكل فيها كسبان.
الموقع كانت بدايته
من دبي في شهر يوليو 2010، وبسرعة بقى واحد من أسرع المواقع نمواً في الشرق الأوسط
كله ووصل عدد أعضاءه لـ 150 ألف عضو لحد دلوقتي، وده لأنه فعلاً بـ يوفر ملايين الجنيهات
على المستخدمين كل سنة (السنة اللي فاتت بس وفر لمستخدميه 6 مليون دولار). ده غير أن
حوالي 48 مليون شخص بـ يشوفوا عروض «كوبون» كل أسبوع، يعني إحتمالات أن العرض ما يكملش
بـ تبقى ضعيفة جداً.
في 8 مايو 2011 تم
إطلاق الموقع في مصر، تحديداً في القاهرة، يعني دلوقتي ممكن تدخل تشتري العرض الموجود
حالياً وهو عبارة عن حمام مغربي لمدة 45 دقيقة في «بودي تتش صالون» في مصر الجديدة
بسعر 45 جنيه بس. طبعاً عرض حريمي جداً، بس عرفنا أن العروض اللي جاية هـ تكون فيها
مفاجآت ومنتجات عالمية ورحلات ووجبات في مطاعم وبرامج ثقافية ودورات تدريبية كمان.
طريقة الإستخدام بسيطة
جداً، مجرد انك بـ تسجل بياناتك على الموقع مجاناً، ولو عجبك السعر المحدد جنب العرض
وعايز تشتريه بـ تضغط على كلمة Buy ،
وبـ تدفع الفلوس عن طريق بطاقات الإئتمان العادية زي Master Card أو Visa أو ببطاقات
شراء الإنترنت زي PayPal
أو CashU ،
وممكن كمان تدفع الفلوس لما العرض يوصلك لحد البيت.
الأهم من كدة انك
لما حد بـ يشترك ويشتري العرض من خلالك بـ تاخد قسيمة بـ مبلغ 46 جنيه، ممكن تستفيد
بيهم في عروض تانية. وعشان تتخيل إيه نوعية العروض اللي ممكن تيجي كايرو قريب ممكن
تلقي نظرة على كوبون في دبي أو جدة أو عمان.
التسوق على الإنترنت
في تقدم ملحوظ عموماً، وخصوصاً بعد الثورة والناس مش بـ تنزل الشارع كتير، والأهم من
كدة الظروف الإقتصادية اللي خلت كله بـ يدور على خصومات وتوفير. كوبون.كوم متوقعين
له نجاح ساحق في الفترة اللي جاية، خاصة لو عرفنا أن خططهم التسويقية في مصر محددة
جداً وعارفين تماماً إحتياجات الناس هنا، وكله جاي في الطريق.
جرب أدخل واشترك وادعوا
معارفك وجمع نقط وفلوس وانطلق في عالم التسوق على الإنترنت والخصومات.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
