Mohamed Talaat
اللغة الهيروغليفية هي لغة أجدادنا القدماء المصريين، وهي اللغة اللي رسخ وسجل بيها الفراعنة حضارة 7000 سنة، واللي قدرنا من خلالها نعرف تاريخ أجدادنا، وعلشان كده عالم الآثار الكبير “زاهي حواس” اقترح تدريس اللغة الهيروغليفية في المدارس بين الطلبة علشان يتعرفوا على لغة أجدادنا.
طيب هتكون دراستها ازاي في المدارس؟ وخاصةً إن مفيش متخصصين! في النقطة دي تحديدًا أكد “حواس” على إنه طالب وزير التعليم بتخصيص وقت من حصص الرسم أو “التربية الفنية” علشان يرسم فيها الطلبة الحروف الهيروغليفية واللي عددهم 24 حرف، ويتعرفوا عليها، ويكتبوا أسماؤهم وأسماء الأشخاص اللي حواليهم بيها، لحد ما تنتشر اللغة بين المصريين بشكل عام، والشباب بالذات.
حواس أكد في تصريحاته الصحفية إنه لازم الأطفال يتعلموا ويعرفوا أكتر عن الحضارة والآثار، وطالب كمان بضرورة إعادة النظر أو بمعنى أصح “تغيير” مواد التاريخ اللي بتدرس في المدارس، أو على الأقل يتم تطويرها وإضافة التاريخ الفرعوني لها.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
