The Definitive Guide to Living in the Capital , Cairo , Egypt

الحياة في كايرو

5 طرق مختلفة لتزيين بيتك بالورد

5 طرق مختلفة لتزيين بيتك بالورد
بواسطة
Nagla Ashraf

الورد بالنسبة لنا هو الحياة، في البيت، أو في أي مكان يكون فيه، أول ما بنشوفه بنفرح جدًا وبنحس بالجمال والبهجة، ومهما نكون متضايقين.. ألوان الورد بتفرحنا وتغير مودنا للأحسن، علشان كده قررنا  ندخل البهجة والشعور بالجمال ده في كل بيت بطريقة اقتصادية ومش غالية.

وتقدروا تشتروا الورد من أي محل قريب من بيتكم على ذوقكم وممكن تشوفوا أماكن مميزة بتبيع ورد من موضوعنا هنا  وإزاي تنسقوا الورد بنفسكم من هنا.

 

في فنجان شاي

 

ممكن بطريقة بسيطة جدًا تقصي الورد وتحطيه في كوباية شاي، او فنجان قهوة وتزيني بيه البيت.

 

أو برطمان زجاج كبير برضه هيكون شكله حلو.

 

في طبق غويط

بطريقة سهلة جدًا ممكن تحطي شرايط بلاستيك على الطيق من جوه وتنسقي الورد زي ما تحبي وتحطي جوه الطبق سافنجا مليانة مياه او مياه بس زي ما تحبي.

 

في فازا طويلة

 

دي الطريقة التقليدية لوضع الورد بس ده ما يمنعش أننا ممكن نفنن، زي ان يكون فيه حجر في الفازا من تحت، أو الورد يكون من النوع اللي ممكن يغطس جوه الفازة.

 

في جردل ملون على الحيطة

 

وده ممكن يكون في قصرية ورد ملونة أو في برميل عادي وبيكون شكله حلو جدًا لو حطيناه في جنينة أو على الحيطة أو على الترابيزة.

 

في علبة هدايا أو صندوق خشب

 

وبيكون جواها سافنجة غرقانة مياة وحوالين السفنجة كيس علشان ماتبلش العلبة وبتكون شكلها تحفة.

مقترح