The Definitive Guide to Living in the Capital , Cairo , Egypt

كتير مننا بيتعرض لمواقف مش لطيفة وأحيانًا محرجة أو خطرة، نتيجة لأعطال مفاجأة في البيت زي السباكة، الكهرباء، وغيره، أو أحيانًا بتبقى حالات طوارئ محتاجين فيها صنايعي متخصص، في أسرع وقت ممكن، علشان  ينقذنا.

علشان كده، دورنا في “كايرو 360” على أفضل وأسرع وسيلة ممكن توفر لك الصنايعي المتخصص ده، بطريقة سهلة وسريعة في نفس الوقت، وتنقذك في حالات الأعطال أو الصيانات الدورية، سواء لكهرباء أو سباكة أو حتى تصليح الأجهزة الكهربائية.

النهارده بنرشح لك 3 تطبيقات تقدر من خلالهم تطلب صنايعي لأي حاجة، ويجيلك فورًا أو حسب الميعاد اللي تحدده:

Taskty:

شركة خدمات متكاملة، وبتقدم خدمات نظافة ونقل وصيانة، ومكافحة حشرات وخلافه، ورسوم المعاينة عندهم 25 جنيه بس، ولو الصنايعي معجبكش تقدر تطلب واحد غيره، وهايجيلك في المرة التانية مجانًا.

رقم التليفون: 0233312727

صفحة الفيسبوك: Taskty

وممكن تحمل التطبيق لو بتستخدم “أندرويد” من هنا.

Fixawy:

التطبيق ده بيوفر لك حرفي لكل مشكلة، “نجارة – سباكة – كهرباء.. الخ” وفيه ميزة تقييم المستخدمين لكل صنايعي.

التطبيق متقسم لمناطق علشان يسهل عليك عملية البحث، وتقدر كمان تراجع الريفيو الخاص بالتطبيق، أو أداء الحرفي نفسه من عملاء سابقين قبل ما تطلب، ورسم المعاينة 50 جنيه، مع ضمان استرداد الفلوس لو الخدمة مش كويسة.

رقم التليفون: 01068777764

صفحة الفيسبوك: صنايعي sanai3ey

ممكن تحمل التطبيق “من خلال “Google Play” لو بتستخدم “أندرويد” من هنا.

ولو بتستخدم أجهزة apple أو نظام تشغيل IOS ممكن تحمل التطبيق من “App Store” من هنا.

OSTA:

التطبيق متخصص أكتر في صيانة الأجهزة الكهربائية، وبيدي ضمان 6 شهور على التصليح والصيانة، وخلال عملية الحجز في التطبيق، بيرشح لك الفنيين أو الصنايعية المتاحين قريب منك علشان تختار منهم واحد وفقًا لتقيمه.

سعر المعاينة والكشف في التطبيق بيتراوح ما بين 50 و 100 جنيه حسب المسافة، والحد الأدني لتقديم الخدمات والمصنعية وشغل إيد الصنايعي محدد من التطبيق بـ 100 جنيه للأجهزة الكهربائية، و70 جنيه لأعمال السباكة والكهرباء، منعًا لأي محاولات استغلال.

رقم التليفون: ٠١٠٣٠٣٥٣٥٠٠

صفحة الفيسبوك: OSTA – أسطى

وممكن تحمل التطبيق من على “Google Play” لنظام الأندرويد من هنا.