The Definitive Guide to Living in the Capital , Cairo , Egypt

تسوق
الجربي للمكملات الغذائية – Al Gerby Supplement Store

الجربى للمكملات الغذائية: مكملات غذائية فى داون تاون مول القطامية، القاهرة الجديدة

  • قطامية داون تاون مول - الدور الثاني، محل S1
  • 10 صباحًا - 10 مساءً -
تم التقييم بواسطة
Jessica Noble
قيم
قيم الآن
الجربى للمكملات الغذائية: مكملات غذائية فى داون تاون مول القطامية، القاهرة الجديدة

أغلب محلات القاهرة بـ تراهن على عشق التسوق فينا، وبـ يقدموا حاجات أكثر من الملابس والأحذية. مع قرب دخول الصيف، وموجة الصحة واللياقة اللى ماشية بين أهل القاهرة، زاد الطلب على مكملات غذائية صحية لبناء الأجسام.

صحيح كثير من الجيمات بـ تعرض بروتينات وفيتامينات، لكنهم مش بـ يقدروا يقدموا مجموعة مختلفة من الماركات المتنوعة. مع عدد من الفروع فى القاهرة، الجربى للمكملات الغذائية فتح فرعه الجديد فى القاهرة الجديدة، تحديدًا فى داون تاون مول القطامية.

المكان أقرب لكشك منه لمحل، وفيه بـ يقدم الجربى مكملات معروضة بشكل شيك على رفوف مقسمة لأقسام، سهل تشوفهم من وراء الحائط الزجاجى، الموظف ما كانش متفاعل معانا، ولما سألناه عن الفرق بين مكمل خاص بالسيدات، والنوع المخصص للجنسين، ما عرفش يقول الفرق. رغم أن عندهم عدد من الماركات المعروفة ممكن نختار بينهم، الناس اللى شافت الكلام ده فى بلاد ثانية ممكن يحبطوا شوية أن مافيش حاجة جديدة.

باودر البروتين متوفر من أسماء مختلفة وبأحجام مختلفة، أغلبهم مستورد من أمريكا. مجموعة كبيرة من منتجات آيزو بيور موجودة بنكهات مختلفة؛ آيزو بيور كارب فرى، واى بروتين وآيزو بيور ماس. برطمان ضخم (3.5 كيلو جرام) من آيزو بيور كارب فرى كان معروض، وكمان الأحجام العادية منه (450 جنيه). معروض كمان آيزو فام Iso-femme بسعر 250 جنيه، وده بروتين باودر خالى من الأستروجين معمول خصيصًا للسيدات.

الاسم الشهير أوبتيمم نيوتريشين، كان برضه معروض، منه برطمانات وشنط كبيرة من الواى بروتين والسيريوس ماس بروتين serious mass. شوفنا كمان ماسيلميدز Musclemeds، كارنيفور بيف أيزوليت، وكمان شنطة فيها 6.8 كيلو جرام من منتج شركة فارما فريك المعروف، ماس فريك.

الأحماض الأمينية (أمينو أسيد) –المهمة مع رفع الأثقال وبرامج التخسيس– كان متوفر من مجموعة من الماركات، منها أدفانسد بيرفورمانس نيوتريشن Advanced Performance Nutrition، أمينو فريك ونيتشورز بيست Nature’s Best، نفس الكلام بالنسبة للجلوتامين، العنصر المهم لسرعة الاستشفاء، كان موجود منه ماركة ماكسيمم هيومان بيرفورمانس Maximum Human Performance بسعر 500 جنيه للكيلو وماسيلميدز بسعر 250 جنيه للـ 300 جرام.

محفز الطاقة من لابرادا كان واحد من أنواع البودرة المستخدمة قبل التمرين، أما برطمان صغير من لابرادا لين بودى Labrada Lean Body بسعر 350 جنيه كان حارق الدهون الوحيد الموجود للسيدات، بروتين بار كوكيز وكريمة بـ يُباعوا بالقطعة (25 جنيه)، ونفس الكلام بالنسبة للبروتين ميلك شيك والشيكرز.

صحيح الجربى أغلى شوية من باقى محلات المكملات، لكن الفرع الصغير عنده مجموعة مناسبة من الحبوب والبودر اللى هـ تحتاجها فى تمرينك.

نصيحة 360

الجربى عنده فروع فى مدينة نصر وسيتى ستارز.

أحسن حاجة

مجموعتهم من منتجات آيزو بيور ونكهاتها.

أسوأ حاجة

عدد قليل من حوارق الدهون والفيتامينات.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح