The Definitive Guide to Living in the Capital , Cairo , Egypt

تسوق
ثريا مصطفى للبصريات

ثريا مصطفى للنظارات: أجمل نظارات كلاسيكية

  • 1 شارع محمد مسلوم، باب اللوق
  • نظارات
تم التقييم بواسطة
Hannah Cooper
قيم
قيم الآن
ثريا مصطفى للنظارات: أجمل نظارات كلاسيكية

كلاسيكيات الستينيات والتسعينيات٬ والنظارات الغير تقليدية اللي كانوا بـ
يلبسوها الفنانين والمشاهير٬ كل ده موجود في محل «ثريا مصطفى». والنظارة عامةً
سواء للحماية من الشمس أو لزوم الشياكة أو حتى طبية٬ دايماً بـ تقول كتير عن الشخص
اللي لابسها٬ فكل ما الإختيارات بـ تزيد كل ما بـ يكون أحسن.

بالصدفة البحتة إكتشفنا المحل ده اللي فيه من الكلاسيكيات ما يبهر بالقدر
الكافي اننا نعتبره كنز للي غاوي نظارات. مش كده وبس ده كمان الأسعار الهايلة
والخدمة مش متكلفة ومريحة فـ بـ تزود من قيمة المكان.

قريب من قهوة الحرية في باب اللوق٬ ومنظره من بره غالباً مش هـ يثير عندك
أي فضول ولا هـ يخليك عاوز تدخله، لكن لو بـ تدور على حاجة مميزة مفيش منها إثنين٬
مش محتاج تدور في حتة تانية.

الأرفف عليها نظارات من جميع أنحاء العالم في كل الأشكال والأحجام. لو بـ
تدور على حاجة مطرقعة٬ كبيرة وعدساتها ألوانها مبهجة٬ أو بـ تدور على «أڤياتور – Aviator» قديمة كلاسيكية٬ هـ
تلاقي اللي انت عاوزه عند «ثريا».

لو محتاج نظارة طبية ونظرك ضعيف زي حالاتي، بـ ياخدوا النظارة بتاعتك
يقروا من عليها نظرك ويعملولك واحدة جديدة٬ ولو مش معاك النظارة ولا الكشف هـ
يرشحولك دكتور عيون كويس تروح له. الخدمة كفء وبـ يسلموا النظارة في أقل من يوم.

لو متلخبط ومش عارف تختار إيه «ثريا» شخصياً هـ تساعدك وتقولك رأيها
بصراحة. هـ تشجعك تجرب حاجة مجنونة٬ وهـ تقولك على الحاجات اللي شكلها جديد وفي
نفس الوقت لايقة على وشك.

شنبر وعدسات مضادة للإنعكاس (Anti-reflection)٬ كانوا بـ250 جنيه بس. ونظارة شمس «أڤياتور – Aviator» ذهبي كانت بـ75 ٬
السعر لوحده خلانا عارفين اننا هـ نرجع تاني قريب. عدي على «ثريا» وألقطلك نظارة
من النظارات الرائعة اللي هي بـ تبيعها وضيف على الستايل بتاعك لمسة مختلفة وجذابة.

نصيحة 360

لازم تفاصل شوية٬ انت في مصر يعني!

أحسن حاجة

مش هـ تلاقي لا تشكيلة ولاسعر بالمنظر ده في أي حتة.

أسوأ حاجة

عشان التشكيلة كبيرة مش هـ تبقى عارف تاخد إيه ولا إيه٬ وده هـ ياخد شوية وقت زيادة عن المعتاد.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح