The Definitive Guide to Living in the Capital , Cairo , Egypt

تسوق
دريس كود – Dress Code

دريس كود: الأناقة ليها تمن

  • محل رقم 3154، الدور الثالث، المرحلة الثانية
  • ملابس حريمي
تم التقييم بواسطة
Farah Saafan
قيم
قيم الآن
دريس كود: الأناقة ليها تمن

ألون مبهجة، لمعة، تطريز، أناقة. هي دي الكلمات اللي بـ توصف محل «دريس كود – Dress Code». المحل إضافة جديدة نسبياً
لـ«سيتي ستارز –
City Stars» وهو محل فساتين سواريه، موجود في
الدور الثالث في المرحلة الجديدة وسط محلات «لونج شامب –
Long Champ »، «بوس- Boss»، و«أيس برج – Iceberg».

تصميم المحل
من جوة بسيط ومنظم، المحل متقسم حسب مصمم الأزياء وحسب ألوان الفساتين وده بـ يسهلك
تلاقي اللي انت عاوزه من التشكيلات الموجودة. الفساتين بألوانها المبهجة هي
اللي بـ تخطف العين في المحل وهي أحسن ديكور ليه لكن فيه كمان شوية أحجار صغيرة
مرمية على الأرض في ممرات المحل عاملة جو لطيف.

«دريس كود»
مش بـ يمثل مصمم أزياء واحد، المحل بـ يبيع تشكيلة من الفساتين لمصممين أزياء مختلفين زي مثلاً التصاميم الشيك بتاعة «ايدون ماتوكس –
Aidon Mattox» و« ليبسي وآى ليستر-Lipsy and  A-lister » من مجموعة «آى بي آس –ABS » لـ«الين شوارتلز-Allen Schwartz ».

الفساتين أغلبها
شبابي، وهـ تلاقي عندهم موديلات متعددة تناسب مناسبات مختلفة، زي مثلاً فستان عجنا وكان قصير
بنفسجي بالتل المنفوش ينفع لفرح شيك، ده بالإضافة لتشكيلة فساتين رائعة لمناسبة زي
رأس السنة أو عيد ميلاد. ومن التشكيلة دي فستان مطرقع فضي متطرز بالترتر لغاية الركبة.

لو انت عاوز فستان
رسمي وبسيط لمناسبة شغل مهمة، ممكن يعجبك الفساتين الطويلة السودة
الأورجانزا. لكن للأسف المقاسات محدودة جداً، لو مقاسك مش في المقاسات الأمريكية
ما بين 2 و 4 يعني (في المقاسات الأوروبية 32 و34) ممكن ماتلاقيش مقاسك من فساتينهم
الحلوة والموضوع ده محبط طبعاً.

الحاجة
الوحيدة السلبية في «دريس كود» هي الخدمة، المسوؤلة عن البيع كانت عصبية في
تعاملها معنا بس المدير حاول يصلح الموقف واعتذر عن أسلوبها. وده في الغالب كان
موقف منفرد، عشان في غيرنا راحوا وشكَّروا في خدمة المكان.

أسعار «دريس
كود» غالية شوية، بس لأن الفساتين لمصممين أزياء كبار وجودة الفساتين عالية جداً، الأسعار
دي مبررة. زي مثلاً فستان لـ«ليبسي» بـ800 جنيه وتاني «ايدون ماتوكس» بـ3500 جنيه. والسعر
ده على فكرة أغلى ألف جنيه من سعره في أمريكا، لكن ده شيء مفهموم ومتوقع عشان
الجمارك والضرائب، وبعدين الأناقة ليها تمن.

المحل كمان
بـ يعمل تخفيضات بـ تخليه مليان لُقط عظيمة، قريب كان عامل عرض “اشتري واحد
تاخد واحد مجاناً” على كل الفساتين السودا اللي في المحل. فالأسعارممكن
ماتبقاش مشكلة كبيرة قوي لو عرفت تستنى العروض والتخفيضات.

نصيحة 360

سيب نمرة تليفونك مع العاملين هناك، وقول لهم يبعتولك العروض بتاعتهم.

أحسن حاجة

لو من ذوات القوام النحيف ومقاسك 2 أو 4 في المقاسات الأمريكية، يبقي «دريس كود» جنة بالنسبالك.

أسوأ حاجة

ممكن نبقى عاوزين تشكيلة أكبر.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح