The Definitive Guide to Living in the Capital , Cairo , Egypt

تسوق
مكتبة أ

مكتبة أ: أحدث سلسلة مكتبات فى القاهرة

  • 132 شارع الميرغني
  • مكتبات
  • 10 صباحاً - منتصف الليل -
تم التقييم بواسطة
Aleksandra Sekinger
قيم
قيم الآن
مكتبة أ: أحدث سلسلة مكتبات فى القاهرة

واضح أن مكتبات
«ديوان» و «دار الشروق» أشهر سلاسل مكتبات فى مصر بقى ليهم منافس جديد، مكتبة «أ»
فى شارع الميرغنى في هليوبوليس، مكتبة «أ» ليها موقع على الإنترنت ولوجو مميز وكمان
الأجندة بتاعتها مليانة بالمناسبات ممكن المنافسين يحسدوها عليها.

المكتبة
مقسمة الى قسمين واحد للغة العربية وآخر للغة الإنجليزية، وفى إتجاهك لآخر المبنى
هـ تلاقى كافيه صغير بـ يقدم عصائر وساندوتشات ومكان صغير ممكن تقرأ فيه. أقسام
الكتب متعلم عليها وواضحة، وسهل انك تلاقى الكتب اللي عايزها، كل قسم فيها صغير بس
فيه كتب ظريفة ممكن تقراها.

المكتبة
الإنجليزية مليانة بكتب لأدباء مشاهير من أول نورا روبرتس وستيفن كينج  لـ جى.كى.رولينج، وفيودور دوستوﭬيسكى وتشارليز
ديكنز. وفى قسم الإقتصاد والسيرة الذاتية لازم تقرا كتب زى «Freakonomics» أو الإقتصاد العجيب و الكتاب ده بـ يجمع كل المقالات والآراء الإقتصادية
الغريبة وكتاب تانى زى « Reading Lolita in
Tehran » او«إقرأ لوليتا فى طهران» اللي بـ يتكلم عن
تجربة المؤلفة فى طهران وقت ثورة 1978 ، كل الكتب دى موجودة فى مكتبة «أ».

مجموعة الكتب
اللى فى مكتبة «أ» تحس انها مختلفة أو موجودة بشكل عشوائى، فى أوقات معينة تلاقى فيه
أعمال أقل شهرة لكتاب مشهورين مثلا زى مثلاً كتاب «The Devils» أو الشياطين لـ فيودور
دوستوﭭيسكى بس ما تلاقيش كتاب زي «الجريمة والعقاب» لنفس الكاتب وهو من أهم الكتب للمؤلف.

مكتبة «أ»
عندها مجموعة كتب كتيرة دينية وعقائدية، كتب كتير لـ نيل جيمن ودى صعب
تلاقيها فى القاهرة زى كتب « Anansi Boys » أو «البرميل» للكاتب جونتر جرام وده من أهم
الكتب فى الأدب الواقعى فى اوروبا.

جوهرة مكتبة «أ»
ومن أحلى الحاجات فيها هو كتاب « SteppnWolf» لـ هيرمن هيسيس،
الكتاب ده كان عن الثقافة المضادة للإنجيل لجيل الستينيات. أى محل كتب أو مكتبة
عندها كتاب زى  ده لازم نحترمها ونقدرها.

فى مكتبة «أ»
فىه قسم لكل حاجة، لو بـ تحب الطبخ، التاريخ، الشرق الاوسط، خيال علمى، أدب، فنون
وتصميمات، كل ده هـ تلاقيه فى مكتبة «أ»، فى حاجات كتيرة قوى تخليك تتفرج على
الأرفف لساعات.

الورق المجلد
سعره بـ يبقى من 49 جنيه لـ 84 جنيه، وأسعار كتب فنون الـ « تاسكان – Taschen» والصور بـ تبدأ من 84
جنيه لـ 400 جنيه.

مكتبة «أ» هـ
يبقى ليها فروع كتير وفيه فرع فتح قريب فى الزمالك.

نصيحة 360

تابع على طول أحداث مكتبة «أ» على Cairo360، هـ تلاقى عندهم مناسبتين أو ثلاثة كل اسبوع فى فرع هليوبوليس.

أحسن حاجة

كتب العبادات الدينية موجودة من كل بلاد العالم بجانب كل الكتب التقليدية.

أسوأ حاجة

المسؤول عن طلب الكتب في المكتبة إختار إصدارات معينة أقل شهرة لبعض المؤلفين المعاصرين المحبوبين، بدل ما يجيب المؤلفات المهمة بتاعتهم.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح