مواقع مفيدة للأمهات والأطفال مع خدمة توصيل لحد البيت
Angie El Batrawy
مرحلة الحمل والولادة من أهم المراحل اللي ممكن تمر على أي أسرة، روح وكائن جديد هيغير حياة الأب وقبل منه الأم وجاي مليان كمية علامات استفهام سواء في الرعاية أو في احتياجاته، وهنا بييجي دور الدعم، فيه جزء دعم من ناحية الأسرة، والدعم التاني من خلال الجهات اللي بتوفر احتياجات الأم وطفلها علشان تخلي حياتهم أسهل وأريح.
ولأن بعد مرحلة الولادة نسبة خروج وحركة الأم بره البيت بطفلها بتقل، فكان لازم تظهر خدمة التوصيل للبيت، علشان كده جمعنا لك كذا موقع على الإنترنت هيريحك، بعضهم له محلات والبعض التاني بيوفر خدمة البيع أونلاين فقط، وأهم حاجة أنه بيوصل للبيت والدفع عند الاستلام:
يعتبر Nine & Beyond أول ماركة محلية في مصر مخصصة للسيدات وقت الحمل وبتكمل معاهم لمرحلة ما بعد الولادة، يعني مش هدوم بتاعة مرحلة وعدت، تصميماتها أنيقة جدًا، ومناسبة للرضاعة وخامتها حلوة جدًا.
مؤسستها سارة طولان، وسبب أنها عملت البراند ده لأنها وهي حامل ما كانتش بتلاقى لبس حلو وشيك للخروجات والمناسبات، كل التصميمات اللي لقيتها عملية جدًا وبتكون لمرحلة الحمل بس وبعدين مش بتستخدم.
تصميمات اللبس فى Nine & Beyond متنوعة بين للرضاعة، وفساتين وتوبات ولبس للبحر وللمناسبات، وكمان عاملين شنطة مخصوص للولادة Birth Bag فيها كل اللي هتحتاجه الأم في المستشفى من قميص نوم وروب.. إلخ.
هما مالهمش محل، البيع أونلاين فقط من خلال الموقع، ولو عاوزين تعرفوا معلومات أكتر ممكن تقروا المقال النقدى اللي كتبناه عنه من فترة على الموقع، أو تزوروا صفحته على الفيسبوك.
هدية هو أكبر محل هدايا ومستلزمات للبيبي والأم في مصر، لهم 9 فروع أكبرهم اللي موجود في التجمع الخامس، المحل ده يعتبر المفضل عند فنانين ومشاهير كتير بيشتروا منه كل احتياجاتهم، خاصة أن فريق العمل فيه متعاون جدًا ولطيف وفاهم تفاصيل كل منتج.
هدية مؤسسته نانسي علي حسن اللي بدأت الفكرة كمحل صغير في مستشفى الندى في المنيل وبعدين افتتحت أول فروعه في الدقى وزورناه وكتبنا عنه مقال نقدى، ومن بعدها انتشر بشكل كبير علشان يساعد الأمهات أنهم يلاقوا اللي محتاجينه سواء من الفروع أو موقعهم الإلكترونى اللي من خلاله ممكن تطلبى الأوردر ويوصل لك لحد باب البيت في نفس اليوم.
الموقع والفروع فيها أكتر من 100 ماركة عالمية وفيه منتجات من الأبرة للصاروخ ماعدا لبس الأطفال موجود تشكيلة في فرع التجمع “فقط”، للاستفسار اتصل بـ 19818 أو 01229800009، كمان لهم صفحة وجروب على الفيسبوك.
هنا برضه على موقع ذا بيبي كارت هتلاقى تشكيلة كبيرة جدًا من الماركات المتخصصة للأم والطفل، وكل فترة بيعملوا خصم 10% مثلاً على ماركة معينة ولفترة محدودة، فلازم تتابعوا الموقع أو تسجل في النشرة Newsletter بتاعتهم علشان تعرف أخبارهم أول بأول.
من الحاجات اللطيفة في الموقع أن الأمهات ممكن تعمل Baby list وكمان Wish List تحدد الحاجات اللي نفسها تجيبها أو ناقصة للبيبي لو حد عاوز يجيب هدية، وفيه كمان مدونة على الموقع فيها موضوعات مفيدة للأم وللمراحل المختلفة اللي بيمر بها طفلها.
ذا بيبي كارت مالهمش صفحة على الفيسبوك ولا مقر للمحل، كل البيع مباشرة عن طريق الموقع الإلكتروني، التوصيل والاستبدال مجانًا.
محل مكانه في جاليريا 40 في الشيخ زايد، وكمان بيوفر خدمة الطلب أونلاين، ولهم صفحة على الفيسبوك بتعرض المنتجات وأسعارها.
بيبي بوش بيتعامل مع براندات كتيرة جدًا والموقع فيه منتجات مش بس للبيبي لا كمان للأطفال لما يدخلوا المدرسة، ولوازم الحفلات زى ملابس التنكر والزينة، وعنده كمان Gift Vouchers وGift List وقسم لملابس الأم الحامل، وتابعوا الموقع علشان بيعملوا تخفيضات على منتجات معينة.
لو عاوز تستفسر عن بعض المنتجات أو اللبس ابعت لهم على info@babyposh.net أو اتصل بـ 01203998875.
محل مشهور من زمان جدًا، وقد يكون من أقدم المحلات اللي لسه محتفظة بمكانتها واسمها وجودة منتجاتها، له فروع كتيرة في الدقى ومدينة نصر والمعادي والقاهرة الجديدة و6 أكتوبر.
الموقع كمان بتاعهم ظريف جدًا ومبهج فيه جزء مدونة Blog فيها موضوعات مهمة للأم زي إزاي نتجنب تقديم الألوان الصناعية لأولادنا في الأكل ووصفات ممتعة للأطفال، وكمان قسم للـ Hot Deals بتعرض منتجات بأسعار حلوة للأمهات.
اعرفوا أكتر من خلال صفحة الفيسبوك أو الموقع.
سيف ستورز محلات تبع صيدليات سيف ومتخصصة في كل احتياجات الأم والطفل، عندهم 5 فروع في المهندسين والهرم والتجمع الخامس ومارينا وشرم الشيخ، من الحاجات الظريفة اللي كانوا عاملينها في رأس السنة اللي فاتت أنك ممكن تختارى هدية لابنك/ بنتك وسانتا كلوز يوصلها بنفسه لحد باب البيت للطفل.
لهم كمان صفحة على الفيسبوك فيها عرض لمنتجاتهم، وعاملين حاجة لطيفة جدًا وهي فيديوهات نصايح للأمهات عن إزاي نطور قدرات أطفالنا ومهاراتهم، وحل لمشاكل النوم عند المولود الجديد، وفوايد الرضاعة الطبيعية، والتدريب على البوتي، وكيفية الاهتمام بصحة الطفل وغيرها كتير، تابعوا صفحة الفيسبوك والموقع كمان علشان كل فترة بينزلوا تخفيضات على منتجات معينة.
الصياد محل بدأ في مساكن شيراتون ومعروف بمنتجاته التحفة المصنوعة من القطن المصري ولبس الأطفال الشيك بأسعار معقولة جدًا بالمقارنة بالأسعار الفلكية في محلات البراندات، بس مشكلته الأساسية كانت في بُعد مكان المحل عن ناس كتير.
لكن الصياد طور من نفسه وبقى له صفحة على الفيسبوك بيتواصل من خلالها مع عملائه وبيعلنوا فيها لما بييجي تشكيلة لبس جديدة للصيف أو الشتاء، ومؤخرًا فتحوا فرع جديد في سيتى ستارز الدور 1 المرحلة 2 – محل رقم 1175.
الصياد عنده لبس أطفال لحد 12 سنة على عكس مواقع ومحلات تانية بتهتم بالأقل سنًا، ده غير أنك ممكن تطلب من موقعهم ويوصل الأوردر لحد باب البيت.
لو عاوزين تعرفوا أكتر عنه اقروا المقال النقدى اللي كتبناه عنه من فترة.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
