The Definitive Guide to Living in the Capital , Cairo , Egypt

صحة ولياقة
رويال نيلز

رويال نيلز: حلول تجميل مش اسم على مسمى فى الزمالك

  • 4 شارع محمد حسن الجزائري
  • 10:00AM - 7:00PM -
تم التقييم بواسطة
Tanya El Kashef
قيم
قيم الآن
رويال نيلز: حلول تجميل مش اسم على مسمى فى الزمالك
“رويال نيلز – Royal Nails” فاتح على شارع صغير متفرع من شارع محمد مظهر فى الزمالك. بس مافيش حاجة من اللى بـ يقدمها نقدر نقول أنها شغل “ملوكى” أو رويال زى اسمه. لما وصلنا الساعة عشرة وثلث قابلتنا موظفة استقبال حادة طلبت مننا نستنى كمان ربع ساعة علشان يفتحوا ويبدأوا يشتغلوا.

كان لازم نستفسر عن مواعيد شغلهم اللى مش فاهمينها، بـ يقفلوا الساعة سبعة بس بـ يوقفوا الشغل قبلها بـ 20 دقيقة، ويفتحوا الساعة عشرة الصبح بس بـ يأخذوا نصف ساعة علشان يجهزوا؛ وكان الجواب من الموظفة صاحبة العيون المخيفة باستهزاء: “أكيد أنتم مش عاوزين تقعدوا وسط مكان مش نظيف، ولا إيه؟”.

وقت الانتظار ما كانش طويل قوى نظرًا إلى أن كل اللى محتاجينه مانيكير سريع، وكمان كانت فرصة نستوعب جو المكان.
فى محاولة منهم لخلق شكل مودرن، المكان كله مليان بأحجار سوداء، عملت تفاعل مع الفوط الوردية المشرقة. وعلى الرغم من المساحة الكبيرة نسبيًا، بس اختيار اللون الغامق مع التراب الموجود فى كل مكان كان سبب فى أنه يبقى مكشوف ومش جذاب.
سعر المانيكير والباديكير 70 جنيه وتضبيط الحواجب تكلفته 20 جنيه. البنت اللى قررت تشتغل معانا كانت لطيفة وحتى اقترحت نعمل مانيكير محدود من غير إزالة الجلد الزائد. وده كان الجانب الوحيد الكويس فى الموضوع.
من الأول كده كان واضح أن البنت ما عندهاش فكرة عن الموضوع. مش عارفة إزاى تقص الأظافر من غير ما تشيل باقى اللى حوله ولا تمسك الأصبع لما بـ تقص أو تبرد الظفر. المشكلة الثانية كانت الأدوات المستخدمة؛ لا هى معقمة ولا حتى شغالة، مقص الأظافر كان ثلم واستخدامه مش مريح، وفضلت تحاول تقص به لحد ما يطلع مننا صوت تأوه. بداية النهاية كانت مع تبديل المقص السيء اللى المفروض أنه المناسب بواحد ثانى لأظافر القدم.
يا دوب دقيقتين كمان من عملية برد محرجة للظفر علشان نقرر أننا نضع حد للمهزلة دى. ممكن نعمل بأنفسنا الموضوع ده أحسن بكثير فى البيت.
موظفة الاستقبال ما حاولتش تعتذر أو حتى تظهر أنها مهتمة بإرضاء زبونها اللى هـ يمشى؛ على العكس كانت قاعدة حاطة رجل على رجل وبـ تسأل إيه المشكلة، وبـ تقول اقتراحات مالهاش لازمة لحل المشكلة. كانت بـ تحاول تلوم مسئولة المانيكير رغم أن المفروض أنها توجهه لنفسها، علشان إزاى فيه حد يقدر يشتغل بأدوات رديئة بالشكل ده؟ وبصراحة مش عاوزين نقول أن الثانية برضه ما عندهاش الموهبة.

نصيحة 360

رويال نيلز فرع المهندسين نادى صحى ومركز لياقة متكامل.

أحسن حاجة

لما البنت قالت أن مانيكير شامل مش ضرورى.

أسوأ حاجة

كل حاجة تقريبًا، الجو، والأدوات الرديئة، الإهمال، طاقم العمل اللى مش فارق معاه؛ والقائمة تطول.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح