The Definitive Guide to Living in the Capital , Cairo , Egypt

صحة ولياقة
سامية علوبة – Samia Alouba

سامية علوبة: جيم صغير لكن كفء في المهندسين

  • 3 شارع عمرو (متفرع من شارع سوريا)
  • 7 صباحًا: 12 مساءً -
تم التقييم بواسطة
Anne de Groot
قيم
قيم الآن
سامية علوبة: جيم صغير لكن كفء في المهندسين
إحنا في منتصف موسم السخنة والساحل بـ يخبط على الباب وجاء الوقت علشان نشتغل شوية على عضلات البطن ونتخلص من شكل الأماكن المزعجة.

سامية علوبة جيم له فروع متعددة في القاهرة، في المهندسين له فرعين في نفس الشارع أمام بعضهم، واحد للسيدات والآخر مختلط، الاثنين حجمهم صغير لكن مش ضيقين، الفارق الوحيد بين الاثنين أن الفرع المختلط له كافيه صغير بجنينة وبعيدًا عن ده الفرعين نفس الشئ لكن مسموح لكم تأخذوا حصصكم في الفرعين وده طبعًا للسيدات.

الفرع المختلط بـ يقدم كل شيء هـ تتوقعوا وجوده في جيم، قسم الكارديو بالمشايات وآلات الكروس أوفر والدراجات العالية والمنخفضة ومع ذلك فيه عدد محدود من الآلات الموجودة بسبب صغر حجم المكان، معظم الآلات من تكنو جيم وفيها شاشات تليفزيون بقنوات فضائية علشان ما تزهقوش وأنتم بـ تلعبوا، بجانب قسم الكارديو فيه قسم تدريب الأثقال هـ تلاقوا فيه آلات التدريب العادية لتدريب عضلات الصدر والكتف والعضلات الخلفية لكن فيه آلة واحدة فقط لكل تدريب يعني لو فيه زحمة هـ تضطروا تنتظروا شوية دوركم.
بالقرب من مكان الجيم سامية علوبة بـ تقدم عدد من الأنشطة، الجيم بـ يستخدم أسلوبLes Mills  اللي بـ يعتمد على أوزان خفيفة لكن بشكل مكرر وكمان الأسلوب القتالي اللي بـ يعتمد على الفنون القتالية والتدريب باستخدام الدراجات، كمان فيه حصص يوجا وتقنية التدريب باستخدام الرقص “زومبا” وحصص للرقص الشرقي والفلامنكو، كمان الجيم بـ يعرض برامج تدريبية للأطفال وفيه حضانة للأطفال بسعر خاص.

غرفة الملابس واسعة ومليانة بغرف الاستحمام لكن على عكس سامية علوبة فرع المعادي مافيش غرف للجاكوزي أو للساونا، منطقة التدريب والملابس نظيفة جدًا ودي من أهم الأشياء في الجيم، الناس الشغالة هناك ودودين جدًا وهـ يرشحوا لكم برنامج تدريبي من أول زيارة ويشرحوا لكم الآلات المتنوعة ووظيفتها، وقت زيارتنا كان موجود ثلاثة مدربين علشان يساعدونا.

كالعادة مع أغلب المراكز الرياضية سامية علوبة ممكن يكون غالي شوية، الاشتراك السنوي قيمته 3800 جنيه، الـ 6 شهور 2880 جنيه، الـ 3 شهور 1530 جنيه والشهر الواحد بـ يكلف 600 جنيه.
تقدروا تختاروا بين نوعين مختلفين من العضوية: الأول عبارة عن 7 أيام في الجيم و3 حصص في الأسبوع، والنوع الثاني 3 أيام في الجيم و7 أيام حصص في الأسبوع، بكده تقدر تختار اللي يناسبك سواء كنت تفضل الحصص عن الجيم، كمان تقدروا تجمدوا العضوية لمدة شهرين في حالة السفر.
لو كنتم مش من مشجعي التعرق على الآلات لكن عاوزين تتدربوا جربوا سامية علوبة بحصصهم التدريبية المتنوعة: أكيد هـ تلاقوا حاجة تناسبكم.

نصيحة 360

لو احتاجتم فترة راحة من التدريب: فيه أجهزة نينتندو وWii متاحة للعب.

أحسن حاجة

نظيف جدًا وجيم جيد بالآلات الحديثة مدعمة بشاشات التليفزيون.

أسوأ حاجة

عدم وجود حمام سباحة أو غرفة ساونا بـ يخليه مش أفضل جيم في القاهرة.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح