The Definitive Guide to Living in the Capital , Cairo , Egypt

صحة ولياقة

5 حاجات لازم تعملهم لو عاوز الرجيم بتاعك ينجح

5 حاجات لازم تعملهم لو عاوز الرجيم بتاعك ينجح
بواسطة
Nagla Ashraf

كتبت: نجلا أشرف

مافيش في الدنيا أجمل من الأكل لازم نعترف بالحقيقة دي يا جماعة واللي يقول غير كده، امممم أكيد ما دقش أكل حلو.. ماعرفش ليه ساعات كتير بفتكر “نور الدمرداش” في فيلم صغيرة على الحب وهو عايش كل حياته على الأكل طبعًا، إحنا عمرنا ما ننصحكم أو ننصح نفسنا بكده. وبالرغم من جمال الأكل وجاذبية الشوكولاتة بمجرد ما ناخد قرار الدايت إلا أننا خلاص… تبنا إلى الله وهنحترم نفسنا وناكل قليل علشان مايصحش بقى! وفي السطور الجاية هنقول لكم على 5 حاجات مهمة لازم تتعمل علشان الرجيم ينجح!

اوعى تقول لمامتك في البيت أنك عامل ريجيم

71176560-7e48-4f43-975e-5192d4b5c110

ما تعرفش ايه الماغناطيس بين أول يوم ريجيم تبلغ فيه الحاجة علشان تعمل لك طاجن سوتيه مع قطعة لحمة أو فراخ كده، يتحول بقدرة قادر لحلة محشي مسبك، تيجي تحاول تقاوم تقع فريسة الجوع والإغراء.

بلاش سياسة هبدأ من بكره

طبعًا كل من عمل ريجيم عارف أنه قرار لازم يتاخد في وقته وإلا هييجي بكره يقع ضحية أول حد بيقوله هطلب من ماكدونالدز تتطلب معايا؟ نبدأ من دلوقتي ونصلح اللي يقع.

أكون أو لا أكون هو ده التحدي

14-vegan-diet-bone-health

شفنا قصص كتير في الفترة اللي فاتت لناس قررت تخس ونجحت يبقى الموضوع مش صعب، يبقى هوب شوية إرادة على هوووب شوية عزيمة، وكله هيبقى تمام، ومهما حصل وضعفت عادي كمل تاني، وهتوصل في النهاية بس اوعي تضرب الشهر كله محشي وتقول إننا قولنا كده، ده مش رجيم يا حبيبي ده هزار!!

هبطل الرمرمة وأكون إنسان جديد ومن أول يناير خلاص هشيل حديد

بس إحنا عاوزينك تشيل حديد من النهارده، الرياضة مع عدم الرمرمة بحاجات غير صحية من أنسب الحاجات اللي تساعدك أنك تخس بسرعة.

ابعد عن المشروبات الغازية وكتر من المياه

Stock picture of a can of Diet Coke, August 6h 2007. Credit: Susannah Ireland / The Times

كلنا عارفين خدعة البيبسي الدايت والشوكولاتة الدايت والمارشميلو الدايت، إيه هو ده ما ناقص تعملوا لنا محشي دايت!!! يا خراشي دول عملوها فعلًا!!!

المهم مالكش دعوة بالأختراعات دي وخليك ماشي مع الريجيم الصحي مع دكتورك.

مقترح