5 نصائح غذائية للاستمتاع بحلاوة المولد من غير مخاطر صحية
أخصائية تغذية علاجية أضرار حلاوة المولد السكر السمنة المولد النبوي 2018 حلاوة المولد رياضة شرب الماء مكسرات مولد النبي نصائح صحية نصائح غذائية
Cairo 360
الصور من منتجات حلواني إيتوال
كل سنة وأنتم طيبين!
القاهرة بتحتفل الأيام دي بالمولد النبوي الشريف، ومن أبرز طقوس الاحتفال ده هو شراء حلاوة المولد كل سنة والصغيرين والكبار بيستمتعوا بأكلها.
لكن مهم نعرف إن حلاوة المولد بتحتوي على كمية هائلة من السكريات والسعرات الحرارية اللي ممكن تكون بتمثل خطر على صحة بعض الأشخاص خصوصًا اللي بيعانوا من أمراض السكر والسمنة .
ونقلت صحيفة الشروق عن الدكتورة مروة نوح أخصائية التغذية العلاجية والسمنة روشتة طبية فيها أهم النصائح الواجب إننا ناخد بالنا منها وإحنا بناكل حلاوة المولد.
1 – عدم الإفراط في تناول حلاوة المولد لمرضي السكر لأنها ممكن تتسبب في ارتفاع مستوي السكر فجأة لدرجة تكون خارج السيطرة وممكن تؤدي لغيبوبة سكر.
2 – الناس اللي بتعاني من السمنة ممكن يواجهوا شوية مشاكل خصوصاً في حالة الإفراط في تناول حلاوة المولد، علشان كده مهم يتناولوها بكميات بسيطة .
3 – بتتكون حلاوة المولد من السكر والمكسرات زي الفول السوداني وعين الجمل واللوز، وبسبب غناها بالسعرات الحرارية فلازم ما ناكلش منها أكتر من 150 جرام يومياً .
4 – ينصح مع تناول حلاوة المولد شرب كمية كبيرة من الماء للتخلص من السكر الموجود بالجسم .
5 – مهم جدًا ممارسة الرياضة لحرق بعض السعرات الحرارية لأن 50 جرام من حلوى المولد فيها حوالي 200 سعر تقريباً ولحرقهم هنحتاج لحوالي نصف ساعة من رياضة المشي .
تقدروا تعرفوا أكتر عن السعرات الحرارية الموجودة في بعض أنواع حلاوة المولد من الموضوع ده:
وتقدروا كمان تعرفوا أسعار حلاوة المولد في أهم محلات القاهرة من هنا:
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
