استجمام وقهوة وكتب.. 3 كافيهات للقراءة في القاهرة
أفضل المكتبات استعارة كتب كافيهات للقراءة مكتبات بها مشروبات مكتبات توفر أماكن للقراءة مكتبات في القاهرة مكتبات لديها كافيهات
Mohamed Talaat
ناس كتير بتتضايق من قعدة الكافيهات بسبب الضوضاء والتدخين والزحمة، وخاصة لما يكونوا عاوزين يركزوا في الكتابة أو القراءة أو حتى الاستجمام، ولكن في القاهرة هتلاقوا كل اللي يناسبكم بدون تعب ومجهود لأنها دايمًا عمرانة، والنهاردة هنقول لكم على 3 كافيهات تابعين لمكتبات تقدروا تستمتعوا فيها بالهدوء والقراءة والكتابة بدون ما فيه حاجة تعكر صفو قعدتكم، وكمان هتلاقوا كتب كتير تقدروا تقروها أو تشتروها من عندهم.
ديوان
من أهم الأماكن اللي بتنشر الثقافة في القاهرة، وهي من المكتبات الرائدة، وبيوفروا أماكن للقعدة في بعض فروعهم علشان تستمتعوا بجو هادئ مع قراءة الكتب، وبيعملوا كل فترة حفلة توقيع للكتاب اللي بينشروا لهم.
العنوان: 1 شارع 254 تقاطع 213 – دجلة المعادي.
وتقدروا تعرفوا أكتر عنهم من خلال صفحة الفيسبوك من هنا.
البلد
من المكتبات اللي بتوفر جو ملائم للقراءة من خلال غرف متنوعة ومجموعة كتب متميزة وهدوء تقدروا تستمتعوا بيه مع توفير مشروبات وبعض المأكولات الخفيفة، ده غير أنهم بيعملوا كل فترة ورش ثقافية للكبار والصغار وندوات وحفلات توقيع مختلفة.
العنوان: 31 شارع محمد محمود – أمام الجامعة الأمريكية.
وتقدروا تعرفوا أكتر عنهم من خلال صفحة الفيسبوك من هنا.
صوفي
مكان جميل في ديكوراته وروحه، بيوفر قعدة مريحة للعين والقلب والروح وعندهم هتلاقوا كتب للقراءة وهدوء للاستمتاع وكمان مشروبات ومأكولات، وهو من الأماكن اللي مستخبية في الزمالك وبننصح بتجربتهم جدًا.
العنوان: 12 شارع السيد البكري – الزمالك.
وتقدروا تعرفوا أكتر عنهم من خلال صفحة الفيسبوك من هنا.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
