The Definitive Guide to Living in the Capital , Cairo , Egypt

كافيهات
بار أنجليكا للحلويات – Angelica Dessert Bar

أنجيليكا ديزيرت بار: حلويات بيتى لذيذة فى المعادى

تم التقييم بواسطة
Marcus Benigno
قيم
قيم الآن
أنجيليكا ديزيرت بار: حلويات بيتى لذيذة فى المعادى
«أنجيليكا ديزيرت بار- Angelica Dessert Bar» اللى لسه فاتح فى المعادى بـ يقدم أحسن طريقة لبناء قصة خرافية، أحداث سريعة ممتعة وفى الآخر نهاية لطيفة: سيدة بـ تفتح المخبز اللى بـ تحلم به، وتتحمل مشاكل النقد اللى بـ يعمله خبير أكل طائش، علشان فى الآخر يتجمعوا بكل سعادة حوالين كيكة.

أشبه بفيلم “شوكولا” أكثر منه من فيلم “مارى أنطوانيت”، قطع أنجيليكا ديزيرت بار الصغيرة بطعمها الحلو واللاذع فى نفس الوقت ما تستحقش إنذار من المحافظة أو أننا نطالب بإعدامهم، بس فيه كام ملحوظة محتاجين يهتموا بها.
تخصص أنجيليكا هو سوفليه الشوكولاتة الداكنة، اللى رغم أنه غنى وصغير سعره 10 جنيه وبـ يُقدم طازج كان مستوي زيادة. بس مع الطبق الصينى اللى قطره أقل من القاعدة، يعتبر الحصول على خبز سوفليه طرى ولزج إنجاز.
كيكة Monogram-bearing petits fours  عبارة عن قطع كيك على قد الفم بـ تتاكل مع الشاى بالمربى أو الشوكولاتة (سعر القطعة 6 جنيه)، طعمهم كان مسكّر بشكل فظيع خلونا نفتح فمنا زي الأطفال ونسأل “عندكم شوية لبن؟”.
ثانية واحد ما تمشيش! ممكن تغفر كل اللى فات بعد ما تجرب براونيز أنجيليكا اللذيذة (8 جنيه) وكوكيز بطبقتين شوكولاتة (5 جنيه). البراونيز كانت عبارة عن شرائح لذيذة من الشوكولاتة الصافية مع غطاء مقرمش، فى حين أن الكوكيز قوامها ممكن يُمضغ ويتغمس. 
الكيكات عند أنجيليكا سعرها 50 جنيه للكيكة الكاملة و12 جنيه لقطعة واحدة يفرحوا أي حد. اختارنا قطعة كبيرة من الكيكة الكلاسيكية المحبوبة دلوقتى ريد فيلفيت the red velvet. الكيكة اللي أساسها مبني على الكاكاو كانت طرية لأقصى درجة، وطبقة الجبنة الدسمة كانت سميكة وسكرها مضبوط. كيكات حسب الطلب والنكهات التقليدية برضه موجودين زى شوكليت فادج، التمر وجوز الهند والجزر. كلمهم علشان تقول طلبك، أو روح هناك واعمل لهم مفاجأة.
كمان تقدر تشرب سبريسو وشاى مع حاجات مملحة، زى البانينى وسلطات تعملها على مزاجك تنفع كوجبة غذاء بسيطة وسريعة. جربنا بريساولا بانينى Bresaola Panini (26 جنيه)، عبارة عن لحم لومبارديان المدخن، وجبن غرويير الأصفر مع زيت الزيتون كلهم محطوطين فى عيش محمص. لو معاه جرجير ممكن الساندويتش يبقى أحسن، وثانى هـ نقول: “أنجيليكا مكان بـ يعمل حلويات”.
اسم أنجيليكا تم تسميته على اسم الزهرة البرية الرمزية، تملكه الخبازة إيمان عثمان (24 سنة)، واللى تعلمت فنون الطبخ فى سويسرا وكاليفورنيا. بس رغم تدريب إيمان الاحترافى، أنجيليكا محافظ على الجو البيتى ومنيو بـ تتغير أسبوعيًا على حسب مزاجها وعروض الموسم.
المحل الضيق فى شارع 9 مُغطى بصور ناس بـ ترقص وورق نعناع ومزين بصور أطفال بـ يشربوا شاى، ويعتبر إضافة جديدة ولطيفة لشارع مليان بالماركات المشهورة المعتادة. خليك في المحلى.

نصيحة 360

تعالى بدرى علشان الكوكيز الطازجة أو اطلب الحلويات اللى على مزاجك.

أحسن حاجة

كيكات بيتى كاملة بنكهات متنوعة سعرها 50 جنيه فقط.

أسوأ حاجة

الجاتوه الصغير مسكر قوى؛ خليك فى الكيكات الكبيرة والكوكيز.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح