الرحماني
سوبيا الرحماني.. علامة تاريخية لذيذة في السيدة زينب
الرحماني السيدة زينب رمضان 2022 سوبيا الرحماني سوبيا في القاهرة-
2 شارع المبتديان
-
عصائر
-
-
2 مساءً - 3 صباحاً -
Cairo 360
رنا شرف
من زمان ولحد النهارده اسم سوبيا الرحماني موجود في ذكريات كتير من المصريين، ومافيش حد بيروح السيدة زينب ألا ولازم يعدي على سوبيا الرحماني علشان يستمتع بأحلى طعم سوبيا في المحروسة.
المكان فعلًا علم من أعلام حي السيدة زينب، ودايمًا زحمة في أي وقت، وقادر يخليك تحس برمضان بتاع زمان.
قررنا ننزل السيدة زينب، علشان نستمتع هناك بجو رمضان، ونجرب كمان السوبيا في ليالي رمضان الجميلة.
أولًا كده، المكان مافيش فيه صالة، بس ممكن تاكل السوبيا وأنت واقف أو في عربيتك.
طلبنا علبة سوبيا كبيرة، سعرها 30 جنيه، وطلبناها حلوة، لإن فيه منها مزز وحلو، وطبعًا عليها رشة القرفة اللي بتديها نكهة جميلة، الطعم رائع، والمكان نفسه يخليك تحس بحنين جميل لرمضان بتاع زمان.
في سوبيا الرحماني ممكن تطلب علبة بداية من 15 جنيه، كمان فيه سوبيا جلاس، وهي عبارة عن آيس كريم وسوبيا بس ماكنتش متوفرة في الفرع لما روحنا.
لو حابب تجرب السوبيا، يبقى لازم تروح الرحماني، لإن المكان فعلًا يستحق التجربة.
سوبيا الرحماني له فروع في المعادي ومدينة نصر والمقطم.
لكن إحنا حبينا أكتر فرع 37 شارع الكومي، السيدة زينب، وبعتبره هو الأصل بجد.