The Definitive Guide to Living in the Capital , Cairo , Egypt

مطاعم
أبو مازن

أبو مازن: أكل سوري تيك أواي!

تم التقييم بواسطة
Aleksandra Sekinger
قيم
قيم الآن
أبو مازن: أكل سوري تيك أواي!

ساعات بـ نزهق من أكل الشارع المصري
العادي. فلو عايز تجرب أكل سوري كلاسيكي تيك أواي، يبقى جَرَب «أبو مازن»، وده من
أكتر أماكن الأكل الشعبية المعروفة في مصر الجديدة. «أبو مازن» يُعتَمَد عليه لو
عايز تجيب أكل ويوصل لك بسرعة، وفي نفس الوقت طِِعِم جداً والسندوتشات والسلاطات
بتاعته اسعارها مناسبة جداً.

ساندويتش الطعمية عند «أبو مازن» (3 جنيه). بـ
يبقى عبارة عن تلات قطع طعمية مدورة ولسة مقلية طازة، سلطة خضراء، ومخلل وطحينة، وكل
ده ملفوف جوه العيش الشامي. الساندويتش ده هـ يغير فكرتك عن الطعمية خالص، أي حاجة
المفروض تبقى موجودة في ساندويتش طعمية هـ تبقى موجودة في الساندوينش ده: مقرمش،
طعمه طازة ومِحَبِش.

الشاورمة (8 جنيه) سواء لحمة أو فراخ في
صميم تخصص المحل. الشاورمة بـ تتقطع حسب الطلب وبـ يحطوا معاها بصل مفروم، فلفل،
طماطم، مخلل، وكمية طحينة مظبوطة. على عكس محلات الشاورمة التانية اللي في
القاهرة، العيش الرفيع بتاع «أبو مازن» بـ يخليك تقدر تستمتع بكل قطمة من
الساندويتش.

«أبو مازن» عنده كمان ساندويتشات كويسة
للناس النباتيين أو اللي صايمين صيام قبطي. ساندويتش ميكس الخضروات (4 جنيه) بـ
يبقى فيه بسلة، جزر، بصل، فلفل، طماطم، ومعمولين بالكاري والكمون وملفوفين في عيش
سوري كبير. وعشان بقى الجو السوري يكمَل، فيه ساندويتشات الزعتر، وبـ يبقوا لذاذ
قوي لو انت بـ تحب الزعتر بس طعمهم يـ يبقى حامي شوية، ولو ضفت عليه الجبنة، بـ تخفف
شوية من الشطشطة واحنا بـ ننصحك بيه جداً.

لو بـ تدور على فتوش بأقل من 5 جنيه، يبقى
انت لقيته خلاص. «أبو مازن» بـ يعمل سلطة فتوش وهمية بالطماطم الحمرا الحلوة
والفلفل اللي غرقان في التوابل وزيت الزيتون. العيش المقرمش بـ يبقى متقطع حتت
كبيرة وبـ يكمل السلطة. العيش عمره ما بـ يبقى معجن، ودايماً بـ يحلي كل
الساندويتشات في «أبو مازن».

«أبو مازن» مفتوح 24 ساعة وطول أيام الاسبوع،
ومافيش حاجة عنده هـ تلاقيها أغلى من 10 جنيه. ويعتبر محل من المحلات القليلة قوي
في مصر الجديدة اللي بـ توصل أكل جميل وفي أي وقت وبسرعة لحد البيت. ناس كتير قوي
بـ يركنوا بعربياتهم قدام المحل وبـ يطلبوا الأكل وياكلوه من العربية. وننصحك إنك
تطلب فطيرة شوكولاتة الـ«نوتيللا – Nutella» السخنة، لأن دي من أحلى
فطاير الشوكولاتة اللي ممكن تدوقها في البلد.

نصيحة 360

فيه 3 «أبو مازن» مشهورين في القاهرة موجودين في المهندسين، مدينة نصر، ومصر الجديدة. المهندسين ومصر الجديدة دول سلسلة محلات تبع بعض. إنما فرع مدينة نصر مالوش علاقة بالتانيين.

أحسن حاجة

الأكل السوري اللي على طول طازة، على طول أسعاره مناسبة، ومتاح في أي وقت وكل يوم.

أسوأ حاجة

ركنة العربية ممكن تبقى مشكلة في أوقات معينة بالليل لاأن الدنيا بـ تبقى زحمة قوي.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح