The Definitive Guide to Living in the Capital , Cairo , Egypt

مطاعم
حواوشي الربيع

حواوشي الربيع.. طمعان يكون على قمة الأكل في مصر

استيك اكل الربيع حجز حواوشي رمضان لحمة مشويات
  • محمد الإمبابي، مدينة التحرير، إمبابة
تم التقييم بواسطة
Mohamed Talaat
قيم
قيم الآن
حواوشي الربيع.. طمعان يكون على قمة الأكل في مصر

لو فاكرين من سنة فاتت في رمضان برضه، نشرنا مقال بننقل لكم فيه تجربتنا عن حواوشي الربيع. النهارده قررنا نجربه تاني، ونقولكم هو وصل فين بعد سنة من العمل.

أولًا علشان تفطر هناك، لازم تحجز. سواء إنك تروح لهم أو تتصل بالتليفون. غير كده هتبقى في قائمة الانتظار اللي ممكن تمتد لحد 8:15.

طلبنا ربع استيك جريل (70 جنيه). وبصراحة طعم اللحمة جميل جدًا، والتتبيلة مظبوطة. بس حراق شوية. بييجي معاه بطاطس صوابع وخلطة بصل بالدمعة طعمها حلو جدًا.

كمان طلبنا ورقة لحمة (70 جنيه). ودي بصراحة مكنتش قد كده، وكان طعم الدمعة والبصل مغطيها، رغم إن اللحمة لوحدها طعمها حلو جدًا، لكن هي مش أفضل حاجة. ونتمنى أنهم يتأكدوا من تطويرها علشان تبقى أحسن.

أما رغيف الحواوشي السجق (30 جنيه)، فممكن نقول فيه موال. لأنه مش بس معمول حلو، لأ ده متحبش. ومتحبش دي معناها أنه واخد حقه تالت ومتلت. البهارات تمام، والتسوية ممتازة، والحشو متكلف.

الربيع أصبح مميز في معاملته وأكلاته، وبينافس فعليًا أكبر محلات الأكل الشهيرة، وقريب هيكون في القمة لو استمر في خدمته وجودة أكله.

نصيحة 360

جربوا المشويات أهم حاجة علشان صحية

أحسن حاجة

استيك جريل

أسوأ حاجة

إنك تلاقي ترابيزة لو انت مش حاجز

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح