The Definitive Guide to Living in the Capital , Cairo , Egypt

مصر طول عمرها جميلة، ومهما قعدنا نوصف في جمالها مش هنوفيها حقها، وفيها معالم مميزة مش موجودة في مكان تاني، ولو فكرتم تزوروا مصر بكل معالمها التاريخية في كل المحافظات، هتحتاجوا أيام وشهور طويلة.. وفي زمن فيروس “كورونا” المستجد، اللي انتشر في عالمنا وأجبرنا على القعدة في البيت، أصبح الخروج أمر صعب، لكن المشكلة دي تم حلها بظهور أبليكيشن Around Egypt، اللي هتقدروا من خلاله تتفرجوا على مصر وجمالها من خلال خاصية الواقع الافتراضي، وفي السطور الجاية هنعرفكم أكتر على التطبيق من خلال حوار خاص لـ كايرو 360 مع واحدة من صناعه.

في البداية حابين نوضح لكم إن أبليكيشن Around Egypt هو مشروع وطني هدفه إظهار جمال مصر للعالم وتنوع أنشطتها وسحر تاريخها، والهدف منه في البداية كان تعريف طلاب المدارس المصرية بعظمة بلدهم، وبدأ العمل فيه سنة 2018، وتم إصدار النسخة التجريبية منه في 2019 وفي أبريل 2020 تم إطلاق النسخة المحدثة منه.

ريهام مراد من فريق عمل الأبليكيشن، قالت لـ”كايرو 360″ إن التطبيق فيه 30 جولة مختلفة بتقنية الواقع الافتراضي لأماكن مختلفة في مصر، وهي الإسكندرية وأسوان وبني سويف والقاهرة والفيوم والجيزة والأقصر والوادي الجديد وقنا والبحر الأحمر وسيناء، وبتتنوع الأماكن ما بين معابد ومتاحف ومتنزهات، وحتى الأماكن الدينية والشواطئ، وإلى جانب الاستمتاع بالأماكن وكأنكم فعلًا بتزوروها بشكل حقيقي، هتعرفوا كمان من خلال التطبيق ساعات العمل وأسعار التذاكر ومعلومات كتيرة عن المكان.

ووضحت لنا ريهام مراد أنهم بيسعوا الفترة الجاية لإضافة أماكن أكتر بمميزات أفضل، وأن التطبيق متاح لمستخدمي Google Play  وiOS وOculus Stores.

علشان تقدروا تحملوا التطبيق من نظام أندرويد اضغطوا هنا.

وللتحميل لنظام iOS من هنا.

أما مستخدمي نظام Oculus فيقدروا يحملوه من هنا.

وتقدروا كمان تزوروا موقعهم الإلكتروني من هنا.

وعلشان تعرفوا أكتر شوفوا صفحتهم على الفيسبوك من هنا.