The Definitive Guide to Living in the Capital , Cairo , Egypt

أجمد الأماكن في القاهرة.. انطلاق “جوائز اختيارات محرري كايرو 360” لعام 2022
    بواسطة
    Cairo 360

    عاوزين تعرفوا أجمد وأحسن أماكن للخروج، التسوق، في القاهرة؟ ما فيش داعي تحتاروا، إحنا جمعنا لكم كل الأماكن دي من خلال جوائز اختيارات محرري كايرو 360 لأفضل الأماكن في القاهرة لعام 2022.

    السنة دي بنكمل معاكم جوائز اختيارات محرري كايرو 360، واللي بنختار فيها أجمل الأماكن في القاهرة، ورجعنا لكم المرة دي بأعداد أكبر من الجوائز فى مجالات أكثر، والهدف إننا نريحكم ونوفر عليكم مجهود البحث عن الأماكن المميزة في القاهرة اللي تستحق اهتمامكم.

    من بدايتها في سنة 2010، وكايرو 360 بتشتغل بكل حماس علشان تبقى دليلكم الأول والأهم للحياة في العاصمة؛ وجوائز اختيارات المحررين تعتبر اعتراف مننا بالجهد اللي بتبذله أماكن مختلفة في مختلف المجالات علشان تخلي حياتنا أسهل وأمتع في القاهرة.

    عملية اختيار الفائزين السنة دي ما كانتش سهلة، فمن ضمن آلاف المطاعم والكافيهات والتسوق، ده غير عشرات الفنادق ومئات من المراكز الثقافية، مراكز رياضية وتجميل، كانت مهمة فريق كايرو 360 أنهم يتفقوا على حوالي 200 فائز في أكثر من 30 مجال مختلف.

    اختياراتنا للفائزين كانت مبنية على أعلى معايير الجودة المطلوبة في أي مجال، زي جودة الخدمة أو المنتج وسعره، بالإضافة لمعايير ثانية كثيرة زي ثبات المستوى والخبرة.. كل ده طبقناه على آلاف الأماكن اللي زرناها من أول ما بدأنا حتى الآن.

    هي صحيح مهمة صعبة وبتأخذ وقت، إلا أننا في الآخر بنوصل للأفضل اللي يستحق أن كايرو 360 ترشحه لك علشان تروح الأماكن دي وأنت مطمئن ومتأكد إن مستواها عالي ومميز.

    تابعوا كايرو 360 يوميًا علشان تعرفوا الأماكن الفائزة السنة دي.

    مقترح