The Definitive Guide to Living in the Capital , Cairo , Egypt

الأسعار وطريقة التقديم.. كل اللي محتاج تعرفه عن الجامعات الأهلية في مصر 2022
    بواسطة
    Mohamed Talaat

    الفترة دي فيه ناس كتير بتسعى للتعرف أكتر على الجامعات الأهلية في مصر، واللي أصبحت موجودة في أماكن كتير على أرض مصر، وبتقدم تخصصات نادرة ومهمة ومش موجودة في الجامعات الحكومية أو الخاصة.

    في الموضوع ده هنعرفكم أكتر على كل اللي محتاجين تعرفوه عن أماكن وأسعار وطريقة التقديم في الجامعات الأهلية في مصر.. استعدوا للمستقبل، نقصد للقراءة!

    في البداية مهم تعرفوا إنه رغم إن الجامعات المصرية ليها مصاريف، إلا إنها غير هادفة للربح، ومصاريف الدراسة بتستخدم في تطوير المنظومة التعليمية المصرية. وبتدار الجامعات دي بواسطة مجلس أمناء.

    أصبحت الجامعات الأهلية منافس قوي للجامعات الخاصة المعتمدة في مصر، رإم إنها بتتميز بإن مصاريفها أقل بكثير من الجامعات الخاصة في مصر، ومناهجها متوافقة بالكامل مع المعايير الدولية التعليمية، والجميل إنها بتراعي متطلبات سوق العمل.

    إيه هي الجامعات الأهلية الموجودة في مصر؟

    مصر فيها عدد كبير من الجامعات الأهلية، متوزعة في محافظات مختلفة في مصر، وهي:

    – جامعة قناة السويس الأهلية.

    – جامعة بورسعيد الأهلية.

    – بنها الأهلية.

    – جامعة حلوان الأهلية.

    – جامعة بني سويف الأهلية.

    – المنيا الأهلية.

    – جامعة المنصورة الأهلية.

    – جامعة أسيوط الأهلية.

    – أسوان الأهلية.

    – جامعة سوهاج الأهلية.

    – جامعة العالمين الأهلية.

    – الجلالة الأهلية.

    – جامعة الملك سلمان الدولية، وليها 3 فروع، وهم: (الطور، شرم الشيخ، رأس سدر).

    تنسيق الجامعات الأهلية في مصر 2022

    أعلنت وزارة التعليم العالي أن تنسيق الجامعات الأهلية في مصر، هيكون أقل من تنسيق الجامعات الخاصة في مصر بـ 5% تقريبًا.

    أسعار و مصاريف الجامعات الأهلية 2022

    مصاريف الجامعات الأهلية أقل بكتير من مصاريف الجامعات الخاصة المعتمدة في مصر، ومتوسط مصاريف الجامعات الأهلية بحسب التخصص أو الكلية:

    مصروفات تخصص العلوم الإجتماعية: 43 ألف جنيه.

    مصروفات اللغات: 43 ألف جنيه.

    الدراسات القانونية: 45 ألف جنيه.

    مصروفات العلوم الإدارية: 46 ألف جنيه.

    مصروفات السياحة ومشتقاتها: 40 ألف جنيه.

    الإنتاج الإعلامي: 50 ألف جنيه.

    مصروفات كليات الفنون: 50 ألف جنيه.

    الحاسبات: 69 ألف جنيه.

    مصروفات الإنتاج الإعلامي: 50 ألف جنيه.

    مصروفات العلوم الهندسية: 69 ألف جنيه.

    كلية عمارة: 69 ألف جنيه.

    مصروفات كلية هندسة المنسوجات: 58 ألف جنيه تقريبًا.

    مصروفات الصناعات التكنولوجية: 43 ألف جنيه.

    كلية الزراعة: 40 ألف جنيه.

    مصروفات كلية الطب: 105 ألف جنيه تقريبًا.

    مصروفات طب الاسنان: 97 ألف جنيه.

    كلية العلوم والصيدلة: 85 ألف جنيه.

    مصروفات العلاج الطبيعي: 63 ألف جنيه.

    مصروفات كلية التكنولوجيا ومشتقاتها: 39 ألف جنيه تقريبًا.

    كلية التمريض: 30 ألف جنيه.

    طريقة التقديم في الجامعات الأهلية في مصر 2022

    بعد ما اتعرفنا على مصروفات وأماكن وأسماء جميع الجامعات الأهلية في مصر، تعالوا نتعرف كمان علي طريقة التقديم.

    أول حاجة هتدخل على منصة الإلكترونية لوزارة التعليم العالي.

    بعدها هتقوم بعمل حساب شخصي جديد ليك.

    هتدخل جميع بياناتك (بيانات الطالب) بشكل صحيح تمامًا.

    هتقوم برفع شهادة مجموع الثانوية العامة اللي بتثبت نجاحك.

    هتختار الكلية أو التخصص والجامعة الأهلية اللي حابب تدرس فيها.

    بعدها هتحتفظ ببيانات حسابك والرقم الكودي علشان تتابع نتائج التقديم.

    بمجرد قبولك بشكل مبدئي، هيتم إرسال بريد إلكتروني فيه مواعيد الإختبارات والزمن المحدد لكل إختبار.

    الإختبارات بتتم بشكل إلكتروني من خلال المنصة الإلكترونية لوزارة التعليم العالي.

    مقترح