The Definitive Guide to Living in the Capital , Cairo , Egypt

الحياة في كايرو

11 مكان في القاهرة بيقدموا أجمد طبق فول للسحور في رمضان

أشهر عربية فول أهم عربيات فول في القاهرة سحور رمضان عربية فول فول السحور
11 مكان في القاهرة بيقدموا أجمد طبق فول للسحور في رمضان
    بواسطة
    Mohamed Talaat

    “إن خلص الفول أنا مش مسئول”، جملة عبقرية هتلاقوها مكتوبة على أغلب عربيات الفول في مصر، ولأن الفول هو الوجبة الرئيسية في السحور خلال شهر رمضان المبارك، وعلشان أهمية الطبق العظيم ده، هنقولكم على 11 مكان في القاهرة بيقدموا أجمد طبق فول وحاجات تانية كتير معاه، وكل سنة وأنتم طيبين.

    عبده دولار

    من أهم عربات الفول في القاهرة وهو بيقدم تحويجة مميزة خلته من أشهر مقدمين طبق الفول.

    العنوان: شارع سليم – النعام – عين شمس.

    سعد الحرامي

    أسمه له قصة سببها الفنان الراحل فريد شوقي، بس هو من أشهر وأهم عربات الفول في القاهرة كلها وهتتمزجوا بالطبق اللي بيقدمه.

    العنوان: شارع شامبيلون – معروف – وسط البلد.

    محروس

    أشهر حاجة عند محروس أنه طبق الفول بتاعه بيجذب الأجانب قبل المصريين علشان طعامته ملهاش وصف، وهو ملك البيض المدحرج.

    العنوان: جاردن سيتي بالقرب من مسرح السلام.

    حمادة شيراتون

    بيقدم أجمد طبق فول في مصر الجديدة، وفي العادي بيكون زحمة وفي رمضان أزحم.

    العنوان: مساكن شيراتون المطار – مصر الجديدة..

    الجحش

    معروف أن الفول عند الجحش ملهوش حل، وهو أشهر واحد بيقدم فول بالخلطات.

    العنوان: ٤٤ شارع مارسينا – السيدة زينب.

    ومبي

    الجودة بتاعة طبق الفول في عربية ومبي ممتازة، وأكله معروف عنه أنه حكاية.

    العنوان: شارع الوحدة – إمبابة.

    مرزوقة

    الفول عندهم طعمه مختلف، وبيقدم تشكيلة مميزة من الفول بالخلطة والبيض.

    بشندي

    الكلام في طبق فول بشندي صعب يتقال علشان الفول عنده بيتعمل بطريقة تخلي الشبعان يطلب كمان.

    العنوان: المبتديان – السيدة زينب.

    منعم

    ده بينطبق عليه المثل الشعبي “لو خلص الفول أنا مش مسئول”، لأنه من حلاوة الفول بيخلص بسرعة.

    العنوان: المنيرة – أمام سور المستشفى – السيدة زينب.

    عم عطية

    صاحب مقولة “فول بالأونيون” اللي هو البصل، وبيقدم طبق فول من بتوع زمان وبيوت زمان.

    العنوان: جراند مول – المعادي .

    الميدان

    من حلاوة الفول بتاعه هتسافروا لعالم تاني من البهجة.

    العنوان: ميدان النافورة – خلف المسجد – الحي السابع – مدينة نصر.

    مقترح