The Definitive Guide to Living in the Capital , Cairo , Egypt

الشادر

الشادر: كراسي صغيرة لكن طعم كبير

تم التقييم بواسطة
Clarissa Pharr
قيم
قيم الآن
الشادر: كراسي صغيرة لكن طعم كبير

قهوة «الشادر» موجودة في منطقة دجلة
المعادي وفيها شوية حاجات كده هـ تَعَلِّم معاك من أول مرة تروحها. أولاً، القعدة مناسبة
جداً لو واحد عايز يسترخي ويريح شوية، لكن الترابيزات ملزوقة في الكنب والكراسي
صغيرة جداً لدرجة تخلّيك تحس إنك قاعد في بيت عرايس لعبة. المساحة الصغيرة
ماتتنسيش أبداً، وعلى فكرة بالرغم منها القهوة دي تُعتبر من الأماكن المُفَضَلة لسكان
المنطقة.

منيو الشيشة فيه الحاجات الأساسية بس،
لكن في نفس الوقت كافي جداً. فيه إختيارات النكهات التقليدية زي النعناع، التفاح،
الكنتالوپ، العنب والليمون. أغلب الناس اللي بـ تروح «الشادر» بـ يبقوا زباين
دائمين، والويترز هـ يفتكروك وهـ يفتكروا طلباتك المُفَضَلة لو إنت متعود تروح
هناك. وهـ تاخد بالك من الزباين الدائمين اللي ماليين المكان وهما بـ ينادوا للويتر بإسمه، بـ
يهزروا معاه، وبـ ياخدوا أحسن خدمة لدرجة إن تقريباً عمرهم ما يستنوا عشان يتغير لهم
الحجر بتاع الشيشة.

وبما إن الوقت بـ يعدي من غير ما تحس
بيه في «الشادر»، يبقى أكيد هـ تجوع ولازم تطلب أكل. بـ يعملوا هناك فطير حلو
وحادق وبـ يبقى طعمه جميل ولذيذ جداً، ده غير الپيتزا. «الشادر» كان بـ يقدم كمان
برجر معمول مخصوص عندهم، بس مؤخراً بقى يقدم البرجر العادي التقليدي بس بـ ييجي في
عيش ملفوف بدل العيش الكيزر ومعاه بطاطس محمرة.

أغلب زباين «الشادر» بـ يبقوا شباب
جامعي لغاية فوق الـ20 سنة بشوية. وهو عامةً مكان مناسب لو عايز تضيع شوية وقت أو
حتى تلعب لك دورين كوتشينة. وبما إن «الشادر» مكان معروف جداً في الحي، ففيه فرصة
كبيرة جداً إنك تشوف ناس تعرفها بالصدفة طول ما إنت هناك.

أيام الويك إند بـ يبقى فيه حد أدنى
للطلبات 25 جنيه للفرد «Minimum Charge» ، بس غير كده الأسعار معقولة وغالباً الحساب مش
هـ يعدّي الحد الأدنى.

نصيحة 360

بلاش «الشادر» أيام الأجازات الدراسية لأن الناس هناك بـ تبقى قاعدة فوق بعض. * تنبيه: هذا المكان يقدم مشروبات كحولية .

أحسن حاجة

بعيد عن الشيشية الحلوة، كريب النوتيللا مايتنسيش، ومش هـ تقدر تِخَلَصه لوحدك.

أسوأ حاجة

الكراسي الصغيرة قوي مش مناسبة لكل الناس، يعني اللي رجليه طويلة ممكن مايبقاش مستريح.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح