The Definitive Guide to Living in the Capital , Cairo , Egypt

الحرملك – Al Haramlek

الحرملك: منتجات منزلية فخمة صنع بلدنا فى الزمالك

  • محل رقم 10 - بداخل دجلة سنتر
  • أثاث ومستلزمات منزل
  • 0227370827,01220373999
  • من الاثنين للسبت 10:30 صباحًا - 9 مساءً
تم التقييم بواسطة
Laila Rostom
قيم
قيم الآن
الحرملك: منتجات منزلية فخمة صنع بلدنا فى الزمالك

خلال الكام سنة اللى فاتوا، ظهرت حالة من تقدير الصناعات المحلية، وده أضاف بُعد جديد لمشهد التسوق فى القاهرة. الحرملك الموجود على شارع حسن صبرى فى الزمالك، وتحديدًا فى الدور الأرضى من دجلة سنتر، بـ يقدم منتجات منزلية فخمة مصنعة محليًا.

رغم أن المحل يعتبر صغير شوية، الجو الشيك المريح مع المنتجات المعروضة بشكل ممتاز بـ يرحبوا بزبائنهم يدخلوا ويتفرجوا.

معروض تشكيلة متنوعة من المنتجات لغرف النوم، والحمامات، وغرف الطعام بـ تشكل أغلب بضاعة الحرملك، بس مع قرب دخول موسم الصيف، معروض عدد بسيط من مستلزمات البحر اللطيفة.

المعروضات كلها بـ تشترك فى الخامة الطرية، بدرجات خفيفة من البيج، والأبيض والكريمى مع رسومات ورد بسيطة وشغل خرز ملون. طقم مكون من ملائتين عليهم أشكال من الخرز باللون البرتقالى وغطائين للمخدات (2300 جنيه) كان شكلهم مميز.

مفارش للسفرة أحجامها مختلفة، تبدأ مع 250 سمx 250 سم سعرها حوالى 1500 جنيه، 400 سمx 190 سم سعرها حوالى 1750 جنيه، وأخيرًا 170 سمx 170 سم بحوالى 800 جنيه. كل تصميماتهم بسيطة وأنيقة، وتقدر تنور أى غرفة أكل.

معروض كمان فوط للحمام مع بشاكير بحر، وطقم فوط صغيرة للضيوف عليها أشكال بسيطة سعرها 154 جنيه، طقم من أربع فوط حمام (418 جنيه) وعدد بسيط من بشاكير البحر متوفر منها ألوان برتقالى، وأزرق وأبيض (253 جنيه).

مايوهات لطيفة كانت برضه معروضة، منها كاش مايوه عملى وشكله روش موجود منه ألوان أزرق وبرتقالى (429 جنيه)، وكمان جلابيات ملونة (336 جنيه).

شنط للاستعمال اليومى رجالى وحريمى أسعارهم بين 200 جنيه و300 جنيه، على حسب الحجم، منها شنط قماش كريمى بتصميمات تقليدية، وكمان شنط شفافة مقاومة للمياه مناسبة للشاطئ.

بالنسبة للأطفال الصغيرين، طقم ملايات مريح مع أكياس مخدة بألوان متوهجة سعره بين 550 جنيه و594 جنيه، مع روب حمام أطفالى لطيف سعره 286 جنيه.

لو على المحلات اللى عندها الخامات المحلية وإتقان الصنعة ف عددهم فى الليمون، بس الفكرة أن مافيش محل يقدر يترجم الكلام ده لمنتجات منزلية فخمة بجودة عالية زى الحرملك.

نصيحة 360

الحرملك بـ يوفر لزبائنه فرصة خياطة وتضبيط طلباتهم على حسب ذوقهم الخاص، اعرف أكثر خلال زيارتك للمحل!

أحسن حاجة

الجودة العالية واضحة على أغلب.. لو ما كانش كل المنتجات.

أسوأ حاجة

الموقع مش مناسب خالص، مستخبى فى دجلة سنتر المتواضع.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح