The Definitive Guide to Living in the Capital , Cairo , Egypt

باتشي – Patchi

باتشي: هدايا شوكولاتة راقية في الزمالك

تم التقييم بواسطة
Tanya El Kashef
تقييمك
قيم الآن
باتشي: هدايا شوكولاتة راقية في الزمالك

من زمان أسهل حاجة لو رايح مناسبة ومش عاوز تدخل بإيدك
فاضية هي أنك تجيب معاك شوكولاتة. بس الصح بقى أنك تروح لمحل شوكولاتة مضمون
وتختارها بنفسك، سواء كانت سادة ولا بالمكسرات وبالبندق ولا من غير سكر، اعمل
تشكيلة حلوة.

«باتشي – Patchi» محل شوكولاتة معروف جدًا في القاهرة وأصله لبناني. المحل فاتح في
الزمالك وهـ تلاقيه على ناصية تقاطع شارع طه حسين والمرعشلي. المحل كله على بعضه
مبهج، وڤاترينة المحل الزجاجية من الأرض للسقف، والنور النظيف، كل ده بـ يفتح نفسك
أكثر أنك تشتري من المحل ده.

كان هـ يبقى أسهل لو المحل عنده منيو تختار منه، لكن للأسف
مافيش. علشان تشتري علبة شوكولاتة، عندهم اختيارات الفاخر، الكلاسيك، أو الديليس،
وتقدر تشتريها بالكيلو بأسعار من 175 جنيه لـ 275 جنيه. متوفر عندهم كمان شوكولاتة
من غير سكر، بونبون اللوز، وعلب شوكولاتة للأطفال بأسعار من 80 جنيه لـ 150 جنيه.

شوكولاتة «باتشي» ممتعة جدًا مع شوية إضافات زي المقرمشات،
الويفرز، كريمة البندق، والرايز كرسب، فيه الشوكولاتة البني والبيضاء، كلهم مغلفين
بدرجات مختلفة من ألوان الفضي، البرونز، والذهبي. وبـ يعملوا الشوكولاتات من غير
مواد حافظة أو نكهات صناعية، وده سبب واضح لنجاحهم. وقت ما رُحنا
“السبشيال” كان شوكولاتة الكورن فليكس والتشيز كيك، ودول كانوا جزء من
أكبر وأغلى تشكيلة اللي هي بـ 275 جنيه للكيلو.

«باتشي» كمان بـ يبيع مختارات من إكسسوارات المنزل. ڤازات
من الزجاج، طفايات سجائر ثقيلة، وعلب مصنوعة يدويًا، كلهم مليانين شوكولاتة
وأسعارهم من 500 جنيه لـ 1000 جنيه. وفيه كمان طقم صواني ذهب عيار 24 أسعارهم من
800 جنيه لـ 1000 جنيه. وواضح أنهم معروفين بترتيباتهم للحفلات وعندهم جزء مخصوص
لتجهيز سبوع الأطفال بعلب بـ تُباع بأسعار توصل لـ 1000 جنيه علشان الشوكولاتة بس.

لو لقيت نفسك مزنوق ومش عارف تجيب إيه لحد، سواء كان علشان
زيارة مرضية أو للاحتفال بمناسبة معينة، خليك دائمًا فاكر أن ده وقت علبة
الشوكولاتة اللي ممكن تعجب أي حد. و«باتشي» أكيد واحد من أحسن الاختيارات وأفضلها
كمان. جودة الشوكولاتات دائمًا كويسة ويعتمد عليها، وترتيباتهم مظبوطة. وممكن تغيير
أكثر من “السبشيال” كان هـ يبقى أحسن، وكمان منيو يعرفنا الأصناف
الموجودة.

نصيحة 360

اتكلم مع العاملين هناك وقول لهم على النكهات اللي على ذوقك.

أحسن حاجة

الحشو المبتكر للشوكولاتات.

أسوأ حاجة

أن ما عندهمش منيو.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح