The Definitive Guide to Living in the Capital , Cairo , Egypt

ديزاين سنتر

ديزاين سنتر: أثاث مميز مناسب لاحتياجاتك فى هليوبوليس

  • 7 شارع بغداد
  • أثاث ومستلزمات منزل
  • 0224159752
تم التقييم بواسطة
Yasmine Nazmy
قيم
قيم الآن
ديزاين سنتر: أثاث مميز مناسب لاحتياجاتك فى هليوبوليس

وأنت
بـ تتمشى فى شارع بغداد الموجود فى منطقة الكوربة فى هليوبوليس، صعب ما تأخذش بالك
من محل بواجهة زجاجية كبيرة معروض فيها نماذج أثاث مصغرة وتحف تخطف العين. أهم
حاجة عند «ديزاين سنتر» هو الاهتمام بالتفاصيل، لأنهم بـ يفخروا أنهم فنانين،
مصممي ديكور وأثاث ومهندسين معماريين فى نفس الوقت.

المعروض
عندهم يعتبر عينات من إنتاجهم، داخل المكان هـ تشوف كتالوج كامل من الأثاث من تصميمهم. “ديزاين
سنتر” أكيد مش لعشاق الأثاث الكلاسيك. فى الحقيقة مقابلة واحدة مع المهندس
ماجد عزمى -مصمم ديكورات واستشارى- هـ تخليك تقول بنفسك “أنا ضد الكلاسيك”، لكن نقدر نقول أن
التشكيلة المتنوعة اللى عندهم هـ تنفع مع أى بيت فيه أذواق
مختلفة. وصف المكان بأنه “محل” هـ يبقى ظلم، لأن ببساطة النصائح والتوصيات اللي بـ يعطوها
لك مالهاش ثمن. بـ يأخذوا وقتهم علشان يتعرفوا على العميل والمساحة اللى يقدروا
يتحركوا فيها، وده بالتركيز على العملية والشكل الجمالي في نفس الوقت.

أشكال كثيرة من ترابيزات الطعام مصنوعة من زجاج، ومعدن، وخشب،
وكل قطعة تعتبر تحفة فنية. الحقيقة أن دى غالبًا أكبر تشكيلة أثاث نشوفها فى
القاهرة بـ يدخل فى خاماتها الزجاج. من ترابيزات الأكل لترابيزات القهوة للبارات ووحدات
التليفزيون. أرجل الترابيزات ساعات بـ تتعمل من الزجاج وداخله أوراق شجر مجففة وفلين
وأشكال زينة ثانية.

البارات تعتبر مفضّلة وكمان تخصص
بالنسبة لهم وأسعارها بين 6000 إلى 8000 جنيه. الكتالوجات فيها بارات
مقّفلة للبيوت المحافظة. لكن أكثر حاجة عجبتنا كانت ترابيزة قهوة قصيرة قاعدتها معمولة
من جذع شجرة الرمّان، ومن فوقها سطح زجاجى مدوّر (2500 جنيه).

أسعار ترابيزات القهوة بـ تكون
بين  3000 إلى6000  جنيه والطقم الكامل هـ يكلفك
حوالى20000 جنيه.
الكنب المعروض أغلبه لفردين، وسعره تقريبًا 3000 جنيه. مكتبة من خامات مختلفة سعرها بين
12000 إلى
8000 جنيه.

وعلشان يضمنوا التميّز. فيه عدد
محدد للمرات اللي بـ يُنفذ فيها كل تصميم، علشان تبقى حاجة خاصة بك. “إحنا مش
بـ نعمل إنتاج ضخم”، دى كانت كلمة إسحق عزمى شريك مؤسس لديزاين سنتر. التحف
الحقيقية هى فعلاً مجموعة لوحات رسمها إسحق عزمى بنفسه، وكمان فنانين ثانيين، بين (50000
– 2000 جنيه). كمان تقليد للأعمال الأصلية ممكن يُنفذ وغالبًا بـ يكون
أوفر بكثير. التوصيل بـ يأخذ حوالى  8 – 12 أسبوع لو اختارت حاجة معمولة لك مخصوص.

ديزاين سنتر كمان عامل دروس لشرح مبادئ
التصميم، الفنون الجميلة وتصميم الديكور (4000 جنيه لكورس 18 حصة). كمان بـ
يعملوا معرض كل كام شهر.

نصيحة 360

رغم أن ده الفرع الوحيد فى القاهرة، لكنهم فتحوا مجال لمعروضاتهم فى باريس.

أحسن حاجة

تقدر تأخذ ميعاد من أحد المصممين الاستشاريين علشان تغير شكل بيتك.

أسوأ حاجة

إحنا بـ نحب البوتيكات، لكن بـ نكره ننزل فى الزحمة علشان نوصل لها.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح