The Definitive Guide to Living in the Capital , Cairo , Egypt

ذا بارتي ستيشن – The Party Station

ذا بارتي ستيشن: تصميمات وإكسسوار حفلات في داون تاون مول بالقاهرة الجديدة

  • محل رقم 48، مبنى S2
  • ترفيه
  • 23146233
تم التقييم بواسطة
Aliaa Serry
قيم
قيم الآن
ذا بارتي ستيشن: تصميمات وإكسسوار حفلات في داون تاون مول بالقاهرة الجديدة

مين مننا ما يحبش الحفلات؟ تقريبًا كلنا بـ ننتظر أي مناسبة علشان نحتفل… سواء أعياد ميلاد، تخرج، خطوبة، زفاف أو حتى وصول أفراد جديدة للعالم. وأي احتفال هـ يترك ذكريات رائعة خاصة لو أخذ مننا شوية اهتمام ومجهود بتفاصيله. ذا بارتي ستيشن أو The Party Station هـ يساعدك في إضافة جو لكل حفلاتك أيًا كانت المناسبة، علشان كده قررنا نزور فرعهم في داون تاون مول.

المحل ككل –حتى من قبل ما ندخله- هو عبارة عن كرنفال ألوان، رؤية اللوجو الملون والبالونات اللي بـ تستقبلك عند الباب كفيلة بأنها تبهجك، أما من الداخل فالاحتفلات مستمرة… كمية منتجات وإكسسوارات ملونة ممكن تبهر ضيوفك.

 أول شيء لفت نظرنا كانت مجموعة الهدايا الخاصة بمباركة البيت الجديد: براويز أفكارها مجنونة، ساعات وشموع… ده غير أن المحل متوفر فيه مجموعة مش قليلة من إكسسوارات المنزل، منها ألواح من السيراميك محفور عليها كلمات ترحيب وتشجيع، أسعارها (60 جنيه – 140 جنيه).

من الحاجات الثانية اللي لفتت نظرنا كانت إكسسوارات حفلات ليلة الحنة وتوديع العزوبية؛ الأولى لها تاج بلاستيكي يميز صاحبة الحفل، أو  “بادج” مكتوب عليه “Bride to Be” أو العروس القادمة (20 جنيه). أما لحفلات توديع العزوبية فيه كرافاتات مناسبة للعريس “The Groom to Be” أو العريس القادم.

فيه كمان كل أنواع القبعات، بالونات الهيليوم (45 جنيه – 100 جنيه)، وكروت لكل المناسبات (30 جنيه – 35 جنيه). والجديد اللي أبهرنا كان بوكيه… مش بس ورد، ده فيه كمان شوكولاتة، بس الانبهار ده ما دامش للأسف بعد ما عرفنا سعره (250 جنيه)، خاصة وأن نوع الشوكولاتة محلي، وعدد الورود في البوكيه مش مبرر لارتفاع السعر.

من المشكلات اللي بـ تواجهنا بالذات في كايرو 360 لما بـ نيجي نكتب مقال نقدي عن محلات –مش مطاعم- أننا ما نلاقيش أسعار مكتوبة، فنضطر نسأل عنها بشكل هستيري ومحرج في الوقت نفسه، ما بالك لو زبون مقيد بميزانية محددة ومحتاج يحسب حساباته من غير ما يضطر أنه يكرر سؤال السعر؟ للأسف العيب ده لاحظناه هناك.

بغض النظر عن عدم وجود الأسعار على المنتجات، وأن فيه منتجات كثيرة جودتها غير مناسبة للسعر اللي هـ تدفعه، إلا أن ذا بارتي ستيشن بلا شك إضافة لعالم التسوق في القاهرة، لأن فكرته مميزة وجديدة، ومنتجاته مبتكرة… أيًا كانت حفلتك أكيد هـ تلاقي إكسسوارات مناسبة لها هناك.

نصيحة 360

موقعهم الإلكتروني ملئ بالخيارات المختلفة لديكورات وتجهيز الحفلات.

أحسن حاجة

الاختيارات كثيرة ومتنوعة.

أسوأ حاجة

الأسعار مش موضحة، غير أن جودة بعض المنتجات غير مناسبة لسعرها.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح