The Definitive Guide to Living in the Capital , Cairo , Egypt

وسط جو جميل مستمر تقريبًا طوال السنة، عدد من محلات القاهرة بـ يحاولوا يلبّوا كل احتياجاتك من فرش الأماكن المكشوفة، الاسم الفرنسى الأصل واللى معناه بالعربى “الحديقة”، فتح “لو جاردان – Le Jardin” فى داون تاون القطامية، بهدف تقديم مجموعة متكاملة من أثاث وإكسسوارات وتصميمات الحدائق بأفكار متنوعة.

المحل صغير وشكله مش منظم، مع معروضات كثير مغطية الحوائط والمعروض من الفرش. رغم أن المفروض كل العروض حاجات تناسب الأماكن المكشوفة، المحل بـ يعرض إكسسوارات ممكن تناسب الأماكن المقفولة كمان؛ موقعهم على الإنترنت عليه مجموعة أكبر من الأٌثاث المنزلى ممكن تطلبه منهم.

صحيح الشكل الجمالى للمعروضات مش بطال، الحاجات المعروضة كانت كوكتيل محير بين التصميمات المعاصرة والكلاسيكية، وحاجات شكلها أجمد وجودتها أعلى من حاجات ثانية. مع القطع العملية والشيك فى نفس الوقت، المحل يعتبر مكان مثير للتسوق، والموظفين واقفين بكل أدب وراء المكتب.

معروض مجموعة من الفوانيس للإضاءة، وكمان مصابيح كهربائية بقائم تثبيت (330 جنيه)، فواحات طويلة من البامبو سعرها كان 100 جنيه، أما فوانيس عملاقة من مادة تشبه الجبس سعرها كان يوصل 650 جنيه. أباجورة مكتب جذابة من الخشب –مناسبة أكثر لغرف المعيشة– كان سعرها 570 جنيه. من بين باقات الورد الصناعى، شوفنا شمعدان صغير ألوانه تحفة ومعاه قطع زينة شرقى فى مقدمته.

جنب المرايات الشبيهه بالشمس (+- 550 جنيه)، معروض كمان شمعدانات أنتيكة من الخشب معلقة، مع مجموعة جذابة من الشمع والمرايات. أرضيات حماية للأطباق والأكواب من الجلد والفضة كانوا مزخرفين بحفر شرقى على شكل فيل، بـ يعكسوا جو الشرق الأوسط. بـ يبيعوا كمان شمسيات كبيرة مع الحامل الخاص بها بسعر معقول (580 جنيه).

أطقم الأثاث كانت محدودة، بس فى الوقت نفسه متنوعة كفاية بحيث تقدم لمحة عن الموجود عندهم، أغلبهم خوص باللون الرمادى الغامق المشهور وفوقهم وسادات قطن. كنبة كبيرة على شكل حرف L معاها مخدات رفيعة لونها برتقالى محروق وترابيزات قهوة نفس الشكل بواجهة من الزجاج سعرهم 19500 جنيه. كنبة شبههم معاها كرسيين بمساند سعرهم 12,780 جنيه، أما شيزلونجات كبيرة ضعيفة سعرهم 3100 جنيه. من ناحية الحاجات الرخيصة، طقم من أربعة كراسى سفرة وترابيزة مدورة سعرهم 4200 جنيه.

“لو جاردان” بـ يعرض عدد من المنتجات ممكن تكون مش مناسبة للأماكن المكشوفة؛ المعروض من القطع المنتقاة مع الأذواق المتضاربة وكمان عدم التنظيم ممكن يسبب حيرة لزبائنهم.