The Definitive Guide to Living in the Capital , Cairo , Egypt

موباكو – Mobaco Cottons

موباكو: التي شيرت الـپولو المصري

تم التقييم بواسطة
Lena Alsayegh
قيم
قيم الآن
موباكو: التي شيرت الـپولو المصري

بلوجو الجمل الشهير
بدأت سلسة محلات «موباكو – Mobaco » من 35 سنة بكام عامل قليلين
والنهارده عندهم أكثر من 30 فرع في جميع أنحاء الجمهورية. مصانع «موباكو» عندها
خطوط إنتاج ملابس من القطن المصري الفاخر٬ الكاشمير٬ الحرير والصوف الإنجليزي.

وفي مدخل المحل هـ
تلاقي كمان علامة «نيو مان – New Man» ودي ماركة عالمية فرنسية بـ
توزعها محلات «موباكو»، الفرع اللي إحنا زرناه هو فرع الزمالك الموجود في فندق الـ«ماريوت
– Marriot». الفرع صغير لكن عنده من البضاعة ما يكفي أن الواحد يلاقي حاجة
تعجبه ويشتريها، وفيه من المنتجات ما هو أرخص من العادي وفيه ما هو أغلى.

الرخيص عنده البنطلونات
الكتان الكلاسيك بـ170 جنيه٬ والتي شيرتات الپولو التقليدية بـ100 جنيه٬ أما
الضيقة منها بـ 120 جنيه. لغاية هنا معقول٬ الغالي بقى في المحل هو الحاجات اللي
بـ توصل لـ 290 فيما طالع٬ وده بالنسبة للبدل اللي بـ تبدأ من 350 جنيه والقمصان
الحرير اللي بـ تبدأ أسعارها من 300 جنيه٬ السعر في حد ذاته مش مشكلة٬ المشكلة أن
الستايل بتاع المنتجات الغالية دي تقليدي بزيادة ومش على الموضة أبدًا٬ وبالرغم من
أن فيه بعض الألوان بـ تلفت الانتباه إلا أن القطعة في الآخر ما بـ تبقاش حلوة برضه.

«موباكو» عنده كمان
شورتات وبناطيل لممارسة الرياضة٬ لكن القصات والأشكال كانت وحشة فـ ما اهتميناش
نعرف السعر أصلاً. لكننا لقينا بُرنيطة بحر بيضاء جميلة جدًا بـ90 جنيه عجبتنا قوي.
فيه قسم للأطفال بجانب القسم الحريمي لكن القسم الرجالي له الأولوية في المكان٬
وفيه مجموعة كبيرة من القمصان بألوان وتصميمات كثيرة وبنطلونات كاكي.

الأسعار في «موباكو»
رائعة بالنسبة لجودة المنتجات لو هـ تخليك في الأساسيات فقط. ومع ذلك الجودة تعتبر
يا دوب معقولة لو قارناها بالماركات العالمية المتخصصة في التي – شيرت الپولو زي «لاكوست
– Lacoste» و«رالف لورن – Ralph Lauren». لكن كونك هـ تدفع أقل من ربع
اللي كنت هـ تدفعه في واحد من المحلات دي يخلي «موباكو» بديل محلي رائع ونسبيًا
رخيص٬ ده غير أن الخدمة الهادئة والمضيافة حاجة رائعة في المحل.

نصيحة 360

لو عاوز أساسيات وتي شيرتات وبطلونات كتان أو چينزات لازم تعدي عليه.

أحسن حاجة

أسعاره كويسة، والواحد يقدر يعتمد على أنه هـ يلاقي فيه الحاجة الكلاسيك اللي هو عايزها.

أسوأ حاجة

الحاجات اللي تصميمها مميز أغلى٬ ومش دائمًا على أحسن مستوى من الجودة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح