The Definitive Guide to Living in the Capital , Cairo , Egypt

ثورة مضادة

ثورة مضادة: اضحك وفرفش كل ثلاثاء

  • إسلام السقا
  • إخباري
  • من الآن
  • محمد حسينمحمد حسين
تم التقييم بواسطة
Marwa Fathy
قيم
قيم الآن
ثورة مضادة: اضحك وفرفش كل ثلاثاء

لو عاوزين تعرفوا إيه هي الثورة المضادة اللى بقينا
نسمعها من ساعة ما الثورة حصلت ومش عارفين هي بـ تظهر ليه وإمتى يبقى لازم نشوف
برنامج “الثورة المضادة” اللى بـ يعرض على قناة المحور الفضائية من
تقديم إسلام السقا واللى بـ يهتم بعرض كل الأحداث السياسية بطريقة ساخرة على مستوى
مصر والعالم العربي.

واللى دائمًا ما يبدأ البرنامج بمجموعة من التعليقات حول
سؤال واحد فقط بـ يطرحه إسلام فى الحلقة، ومع كل انتقاد أو تعليق بـ ييجي بعده لقطة
مصورة من فيلم أو مسلسل أو مؤتمر معين للتعليق على كلام إسلام، وبعد كده بـ يكون فيه
أغنية من أبطال البرنامج حول موضوع الحلقة لانتقاد شيء معين، وده طبعًا بـ يكون فى
صورة هزلية ساخرة يعنى نقدر نقول أن البرنامج كله كوميدى ساخر حول الأوضاع اللى بـ
تمر بها مصر من أحداث خاصة فيما يتعلق بمن هو رئيس مصر القادم؟

ورغم كل الكوميديا الموجودة اللى بـ تحاول أنها تخرج المشاهد
من حالات الاكتئاب اللى مر بها من الأحداث الموجودة كل يوم إلا أنه برنامج هش لا
يحتوى على مضمون كاف علشان يكمل الطريقة الكوميدية اللى بـ يتبعها، فهو يعتمد كل
الاعتماد على التعليقات الساخرة من الأفلام القديمة أو بعض الأغانى علشان يعبر عن
مضمونه وكلامه، وبـ يساعد البرنامج في إدخال الضحك والسرور لقلب المشاهد مع
الأحداث السيئة اللى بـ تمر بها مصر.

وكمان أداء إسلام السقا محدود وغير محترف ومتقن فى
تقديمة للحلقات، وكمان مافيش أي فرد ثانى معاه فى البرنامج ويعتمد كليًا على إسلام
فى تقديم الحلقات، ومافيش مشاهد تمثيل كوميدية خاصة بالبرنامج للتعبير عن أفكار
وموضوعات جديدة، إلى جانب أن الديكور معتمد على الكروما في عرض اللقطات المصورة
اللى بـ تدعم البرنامج، ومافيش أى مشاركات من الجمهور أو تعليقات لمعرفة مدى
إعجابهم من عدمه ومافيش فواصل إعلانية. مكتفى بالفواصل الخاصة بالقناة وكمان التقنيات المستخدمة
في إخراج البرنامج رديئة جدًا ومستوى الصورة سيء خاصة اللقطات الكوميدية وكل كلمة
يقولها إسلام يقابلها تعليق كبير يعني نقدر نقول أن البرنامج كله لقطات أكثر من
كونه كلام وأداء من المذيع.

في تتر النهاية بـ يهتم بعرض الكواليس الخاصة بالبرنامج،
وإعداد البرنامج غير جيد فهو لا يهتم بالمضمون وعمقه فـ يطرح فكرة موضوع ويعرضها
بطريقة سطحية جدًا.

عجبك ؟ جرب

برنامج "الأسئلة السبعة" على قناة النهار الفضائية.

نصيحة 360

من برامج الحديث المباشر وبـ يعرض كل أسبوع على قناة المحور الفضائية يوم الثلاثاء الساعة 6 مساءً والإعادة الجمعة والسبت الساعة 7:30 صباحًا ومن تقديم إسلام السقا، فكرة شريف نادي وإخراج محمد حسين ومن إنتاج قناة المحور 2012، مدة البرنامج نصف ساعة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح