The Definitive Guide to Living in the Capital , Cairo , Egypt

صحة ولياقة
الخواص جيم

الخواص: ﭼيم نظيف وأسعاره منطقية في الهرم

  • 2 شارع ابو حازم
  • من الاحد للخميس من 11 صباحاً لـ 1 صباحاً، الجمعة من 1:30 مساءً لـ 11 مساءً -
تم التقييم بواسطة
Haisam Awad
قيم
قيم الآن
الخواص: ﭼيم نظيف وأسعاره منطقية في الهرم

شارع الهرم من الشوارع
الحيوية في القاهرة الكبرى، وهو الطريق اللي بنهايته بـ نوصل للأهرامات وأبو
الهول، «الخواص» ﭼيم عمره 12 سنة موجود في شارع صغير في منتصف شارع الهرم وسهل قوي
أنك توصل له.

رغم أن مساحته شكلها صغير
بالنسبة للخدمة اللي بـ يقدمها، المعدات الكبيرة محطوطة بشكل كويس في غرفة
التمارين، المنطقة دي منقسمة إلى مكانين، مكان للأوزان ومكان آخر لمعدات التمارين.
هـ تلاقي هناك معدات كتيرة قوي زي المشايات، العجلة، سلالم التدريب وأنواع تانية كثير.
وطبيعي أن تكون المنطقة دي من أكثر المناطق اللي فيها ناس، ورغم أن الـﭼيم مش على
طول مليان ناس بس هـ تكون محتاج للصبر لو ناوي تعمل تمرين معين.

عمومًا فيه أماكن للسيدات
والرجال، بس العاملين هناك بـ يبقوا فرحانين لو السيدات عدوا من عندهم لو جزء السيدات
زحمة! «الخواص» بـ يقدم خدمة السونا، الحجرة صغيرة شوية بس كويسة جدًا والعاملين
هناك بـ يقولوا أن الناس اللي بـ ييجوا المكان بيحبوا السونا قوي عندهم. فيه خدمات
تانية بس مش مستخدمة قوي زي الحمامات المغربي والتركي، وكمان فيه سبا وعلاج
بالبخار وهـ تلاقي أخصائي للسبا. وحاجة تانية مشهورة في «الخواص» هي الدروس اللي
بـ يقدمها زي الكاراتيه، التايكوندو، المواي تاي وأكيد طبعًا الأيروبيك.

الأسعار كويسة جدًا
وثابتة عشان هم بـ يحاولوا يكسبوا أعضاء جدد طوال الوقت، لو يوم كامل مفتوح سعره
من 15 جنيه لـ 20 جنيه حسب المعدات اللي هـ تستخدمها، ونفس النظام في 12 يوم بـ
100 جنيه لـ 170 جنيه، والشهر الكامل بـ 140 جنيه لـ 200 جنيه. وكمان هـ تلاقي
عندهم مجموعة متنوعة من حصص الأيروبك والسونا.

«الخواص»
نظيف، على درجة عالية من الجودة، وممكن ينافس أحسن صالات التدريب في القاهرة،
العاملين هناك لطاف ومتحمسين وغير كده منظمين جدًا، والأهم أنهم واخدين مفهوم
اللياقة والصحة على محمل الجد.

نصيحة 360

الخواص فاتح 7 أيام في الأسبوع، من الأحد إلى الخميس من الساعة 11 صباحًا لـ 1 ظهرًا، و يوم الجمعة من 1:30 ظهرًا لـ 11 مساءً.

أحسن حاجة

الخدمة فيه ممتازة، شاملة ودقيقة جدًا.

أسوأ حاجة

مشكلة المواعيد وجداول الحصص، لازم تتصل الأول قبل ما تروح.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح