The Definitive Guide to Living in the Capital , Cairo , Egypt

صحة ولياقة
جولدز جيم – Gold’s Gym

جولدز جيم النيل: تمرن كأنك من الفراعنة فى الجيزة

تم التقييم بواسطة
Jessica Noble
قيم
قيم الآن
جولدز جيم النيل: تمرن كأنك من الفراعنة فى الجيزة

الجيم ممكن يبقى
مكان مخيف ومتعب لكثير من الناس. رغم كده، المنظر البانورامى الخرافى المطل على
النيل عند جولدز جيم بـ يضمن لك أنك تكمل المشوار.

علشان هو من أقدم الجيمات فى مصر، وأول
فرع من فروع جولدز جيم فى مصر، الديكور شكله كلاسيكى ومتهالك شوية. الخشب على الطراز الفرعونى والزخارف الذهبى على الحوائط
والسقف الموجود فى اللوبى كان اختيار مفاجئ، خصوصًا بالمقارنة مع فروع جولدز جيم
الجديدة فى المدينة، واللى بـ تميل لتصميم حديث وأنيق.

طرق الاشتراك فى عضوية الجيم كثيرة،
بأسعار تتراوح بين 1.000 و5.500 جنيه على حسب مدة الاشتراك (1-12 شهر)، ودخول طوال
اليوم ولا الصبح فقط (5 صباحًا: 3 مساءً). كل العضويات متضمنة حصتين تدريب شخصى
ومقابلة مع خبير تغذية خاص بالجيم علشان يناقش معاك عن هدفك من التمرين. فيه حصص لياقة مختلطة أو
للسيدات فقط على أساس يومى وبـ تبقى بديل لطيف لروتين التمرين المعتاد. يمكن
الموضوع يستاهل أنك تقول لمديرك فى الشغل أنهم بـ يقدموا تخفيض على عضويات الشركات.

منطقة التمرين
الرئيسية موجودة فى الدور الثانى ومحاطة تقريبًا بالكامل بمنظر تحفة للنيل. مساحة
الجيم كبيرة ومجهزة بأحدث الأجهزة علشان يساعدك على الوصول لبناء جسمك وتخفيض
الوزن المطلوبين. فيه مجموعة من الأوزان الحرة والأجهزة المتخصصة. رغم كده الجيم
ده مش ثابت على وحدة قياس معينة يستخدمها لأن فيه أوزان بالكيلوجرام وأوزان ثانية
بالرطل، وده ممكن يبقى محير. فيه كمان أجهزة لتمارين اللياقة
زى المشايات، وأجهزة كروس
ترينر، وجدافات rowers وأجهزة الستيبر steppers علشان تنشط عضلة القلب.
مدربين شخصيين لطاف موجودين فى أى وقت علشان يقدموا نصيحة ويساعدوك فى التمرين. لو
فى يوم زهقت من منظر النيل، قنوات الدش شغالة على مجموعة من التليفزيونات المعلقة.

مكان صغير بس
كافى مخصص للسيدات فقط موجود جنب غرف تغيير ملابس السيدات ومعاه جاكوزى وساونا
وغرفة بخار مستقلين. تقدرى تتمرنى بدون ما تحسى بخجل وتمشي وأنت في أحسن حالة من
غير ما حد يحس!

مجموعة من
المكملات الغذائية معروضة للبيع فى اللوبى، بجانب بار عليه فواكه وكشك موبينيل، ده
لو حسيت أنك عاوز تأخذ حاجة سريعة. كمان فيه غرفة أطفال تحت إشرافهم يقدر الأطفال
فيها يلعبوا بأمان وأنت بـ تشيل عنك آثار الإجهاد. بعد ما تخلص وتحس بالجوع أمامك
مجموعة من المطاعم موجودين تحت الجيم، لو عاوز تأخذ معاك شوية أكل صحى وأنت ماشى.

رغم انطباعنا
الأول، جولدز جيم النيل مكان عظيم للتمرين وفيه كل الأجهزة اللى ممكن تحتاجها علشان
جسمك يوصل لأحسن أداء. إحنا مش بـ نقصر المكان ده على أنه مكان للتمرين بس، ده كمان
مناسب علشان تقابل ناس جديدة وتتعرف عليهم.

نصيحة 360

تجنب أوقات الذروة علشان ممكن يبقى زحمة قوى، والركنة ممكن تبقى مشكلة لو معاك عربية.

أحسن حاجة

المنظر المذهل وجو المكان اللطيف.

أسوأ حاجة

المنظر بـ يختفى بشدة بالليل.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح