The Definitive Guide to Living in the Capital , Cairo , Egypt

كافيهات
مايسترو – Maestro

حلوانى مايسترو: حلويات ومخبوزات على الطريقة الفرنسية فى أمريكانا بلازا بالشيخ زايد

  • أمريكانا بلازا مول - الشيخ زايد
  • مخبوزات وحلويات
  • 10:30 صباحًا: 12 مساءً -
تم التقييم بواسطة
Laila Rostom
قيم
قيم الآن
حلوانى مايسترو: حلويات ومخبوزات على الطريقة الفرنسية فى أمريكانا بلازا بالشيخ زايد

لو هـ نقول أن فيه حاجة واحدة ممكن تتفق عليها المدينة المنقسمة على طول الخط، أكيد هـ تكون حب المعجنات الطازجة. بين كل كافيهات ومخابز القاهرة، صعب تلاقى الجودة والقوام المطلوبين، “مايسترو – Maestro” فى أمريكانا بلازا بـ يقدم لأهل القاهرة أشهى وأجود المخبوزات على الطريقة الفرنسية تناسب كل المناسبات.

علشان مافيش مكان للقعدة، والاختيارات الموجودة هى الدليفرى أو التيك أواى. المخبز مليان تشكلية من العيش الطازج، والكرواسونات، والكيكات، والتارت، والمينى كوكيز والشوكولاتات مع مجموعة من المينى ساندويتش والحلويات الشرقية.

معروض فى الثلاجة الزجاجية تشكيلة ضخمة من كيكات شكلها لذيذ منها شوكليت كاراميل دوم كيك، وتارت كيك بالتفاح والكاراميل مع رشة مكسرات على الوجه، تارت كيك بالفراولة مغطاة كلها بتوت طازج ومربى توت مغرية، كيكة الجزر الغنية بالكريمة يزينها بندق على الأطراف، كيكة Croquant غنية بالكاراميل، وكيكة فريزيه وشوكليتFraisier Chocolate مقسومة نصفين واحد منهم بالشوكولاتة الداكنة، والثانى مغطى بقطع فراولة ومربى فراولة.

ثلاجة زجاج ثانية مخصصة لأنواع مختلفة من الآيس كريم سعر البولة 10 جنيه، مع كيكات آيس كريم جميلة حجمها كبير تشمل كيكة بالزبادى والبلو بيرى (140 جنيه) وكيكة آيس كريم بالشوكولاتة والنعناع (120 جنيه).

فى وجود حلويات فرنسية لذيذة بكميات كبيرة متنوعة، واحد من الموظفين الودودين نصحنا نجرب شوية منهم؛ كأس شوكليت موس (11 جنيه)، بشوكولاتة تشبه الفادج على الوجه وقوام أسفنجى طرى. صحيح الشوكولاتة نفسها كانت غنية بالنكهة، والطعم ككل كان ثقيل شوية. موجود كمان إكلير (9 جنيه) غنى بنكهات الفانيليا، والشوكولاتة، والكاراميل والموكا.

شوفنا كمان مينى ساندويتش لسه طالع حالاً من الفرن، وطبعًا كان صعب نقاوم، علبة متوسطة الحجم (150 جنيه) تشمل حشو تونة، وشرائح صغيرة من الفراخ المشوية مع لمسة من المسطردة، والروست بيف، وتركى مع صوص زبدى الطعم مع خليط من أنواع جبن المختلفة. رغم أن الساندويتش مش مبتكر وممكن تلاقيه فى أماكن ثانية، العيش كان طازج، وطرى وساخن.

إبداعات مايسترو المتنوعة من الحلويات أكيد هـ تحيرك. يمكن مستوى المخبوزات تعتبر فوق المتوسط بشوية صغيرين، حلوياتهم الفرنسية أكيد هـ تعجب أى عاشق للطعم الحلو.

نصيحة 360

مايسترو بـ يعمل كيكات حسب الطلب كمان. 

أحسن حاجة

الأسعار تعتبر معقولة.

أسوأ حاجة

فى وجود مساحة كبيرة للإبداع، المينى ساندويتش يعتبروا محبطين شوية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح