The Definitive Guide to Living in the Capital , Cairo , Egypt

سمارت لاونج

سمارت لاونج: سايبر كافيه مريح فى هليوبوليس

تم التقييم بواسطة
Nermin Habib
قيم
قيم الآن
سمارت لاونج: سايبر كافيه مريح فى هليوبوليس

مع وفرة مطاعم وكافيهات القاهرة المزدحمة، حان الوقت لتقدم حاجة مختلفة شوية للمراهقين. مع افتتاحه بواسطة طلاب جامعيين، “سمارت لاونج – Smart Lounge” بـ يحاول يلبى كل متطلبات المراهقين سواء كانت تعليمية أو ترفيهية.

“سمارت لاونج” واضح من الخارج عن طريق يافطته المضيئة، ويشغل مساحة كبيرة عبارة عن دور أرضى أرضياته من البلاط وحوائطه باللون الأحمر الصارخ، أما بالنسبة للديكورات فبعيدة كل البعد عن الفخامة، ورغم كده فيه سحر معين بـ يحول سمارت لاونج لبيت ثانى لكثير من زبائنه.

الخدمات المتوفرة هى طباعة أبيض وأسود (1 جنيه للورقة)، حوافظ أوراق بلاستيكية (1 جنيه أو 3 جنيه)، مسح ضوئى (1 جنيه للورقة)، تصوير مستندات (0.20 جنيه للورقة)، بلاى ستيشن (25 جنيه للفردى و30 جنيه للزوجى فى الساعة)، إكس بوكس (30 جنيه للساعة)، شيشة (15 جنيه)، سناكس (2: 8 جنيه)، مشروبات (4: 8 جنيه). باستثناء الشيشة والمشروبات، كل حاجة قائمة على نظام “اخدم نفسك بنفسك”، وعملاء المكان بـ يعاملوا كضيوف مش مجرد زبائن. يمكن الحاجة الوحيدة اللى بـ تفكر الناس أن ده مكان شغل هو كاونتر الحساب الموجود فى مدخل المحل.

رف السناكس والمشروبات بـ يقدم مجموعة متنوعة من نكهات القهوة والشاى، وشوكولاتات، وكيكات، ونودلز، وشيبسى، وكوكيز، ومشروبات غازية، وعلب عصير ومياه معدنية. القهوة التركية كمان موجودة لكل السهرانين وسط مذاكرتهم.

مع ست ترابيزات –ثلاثة فى الداخل وزيهم فى الخارج– وفيش كهرباء كثيرة وإنترنت لاسلكى ببلاش، يقدر على الأقل مجموعة من الطلاب يركزوا فى محاضراتهم أو يتدربوا على فن الإلقاء. جهازين تليفزيون موجودين فى كل منطقة جلوس ودائمًا شغال عليهم حاجة مثيرة، والموظفين عندهم القدرة يعرفوا الوقت المناسب لتغيير القناة.

الشيشة الموجودة من ماركة محبوبة هى مزايا، ومتوفر منها نكهات كثيرة مختلفة، وكمان فى أنواع غير تقليدية زى الورد، الجراندين والبرقوق. رغم أن الرجل بتاع الشيشة مش موجود دائمًا لما نحتاجه، لكن صرخة سريعة بـ تخليه ييجى بسرعة.

بالنسبة لألعاب الفيديو، أربع غرف مجهزين بالكامل بتليفزيونات LED، كراسى bean bags وكنب جلد صغير. أغلب الغرف تستوعب أربع أفراد وحوالى ستة من الجماهير. أكثر الأجهزة شعبية واضح أنه البلاى ستيشن، رغم أن الإكس بوكس أو Wii ممكن يشغلوه عند الطلب. على الرغم من وفرة الألعاب الموجودة، أغلب الطلب بـ يكون على لعب Call of Duty، Tekken، FIFA و PES بـ يستخدموا ذراعات وأقراص مدمجة أصلية فقط.

رغم أنك مش هـ تلاقى أى واحد سنه يعدى 30 فى الكافيه، سمارت لاونج مكان مريح ولطيف بـ يقدم تقريبًا كل حاجة توفر سهرة ممتعة –وأحيان كثير مفيدة كمان-  لك ولأصحابك.

نصيحة 360

سمارت يسمح بلعب الورق وكمان بـ يقدم طاولات.

أحسن حاجة

سمارت هو الحل الأمثل لسهرة مريحة مع أصحابك.

أسوأ حاجة

صعب جدًا تستقبل إرسال شبكة موبايل داخل المكان.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح