The Definitive Guide to Living in the Capital , Cairo , Egypt

شيري أون توب – Cherry On Top

شيري أون توب: فرو-يو Fro-Yo وكب كيك فى المعادي

  • 62 شارع 9 - بجانب جست فلافل
  • مخبوزات وحلويات
  • 01146160714
  • 10 صباحًا: 11 مساءً
تم التقييم بواسطة
Jessica Noble
قيم
قيم الآن
شيري أون توب: فرو-يو Fro-Yo وكب كيك فى المعادي

كل ما بـ نقرب شوية على الصيف بـ نلاقي اهتمام كبير في كافيهات القاهرة بالآيس كريم والحاجات الساقعة اللي بـ تعطي للواحد إحساس بالانتعاش، مع نجاح أول فرع لهم في سيتي ستارز، “شيري أون توب – Cherry on Top” فتحوا فرع جديد لهم في شارع 9 في المعادي.

بين الكثير من المطاعم والكافيهات في شارع 9 “شيري أون توب” ظاهر بلونه الوردي والأبيض بشكل ملحوظ اللي يخليك عاوز تدخل جوه المكان الصغير ده وتكتشفه، مع ديكوره الممتع والزجاج المبهر اللي في آخر المكان، عدد الترابيزات مش كثير بـ يخليك تفضل أنك تطلب تيك أواي.

المنيو بتاعهم نفس المنيو بتاع فرعهم الثاني مافيش حاجة متغيرة، فيه نكهات الآيس كريم بكل أنواعها (16-75 جنيه)، كب كيكس (20 جنيه)، ميني كب كيكس (4 جنيه)، البسكويت والبسكويت بالكريز (15: 34  جنيه)، وكريب (15: 18 جنيه)، فروت سلاط (24 جنيه)، بارفيه (33 جنيه)، عندهم كمان عصائر سموزي بجميع نكهاتها.

الخدمة هناك والناس اللي بـ تطلب منهم كانوا محبوبين ومتعاونين جدًا، وقالوا لنا كل الـ 25 نكهة اللي كانوا موجودين، في وقت زيارتنا كان فيه نكهة المانجا الخالية من الدسم وكمان كان عندهم سينابون قليل الدسم ومارشميلو، وكانوا بـ يذوقونا كل النكهات قبل ما نطلبها ونعمل الأوردر، طعم السينابون كان حلو وغريب في نفس الوقت، المانجا كانت طازجة وطعمها لذيذ.

اختارنا كوب صغير من زبادي مثلج كريمي وطبيعي (28 جنيه) وعليه 3 إضافات فريش متنوعة هي: قطع كيت كات كريسبي، وقطع الأوريو وإم & إمز، ولسوء الحظ مجموعة الفاكهة اللى هناك كان شكلها ذبلان شوية وقت زيارتنا.

كمان قولنا نجرب كوكيز الريد فيلفيت (5 جنيه) وكب كيك فانيليا (20 جنيه)، واثنين ميني كب كيك بنكهتى الأوريو والنوتيلا (4 جنيه الواحدة)، قوامهم كان ناعم وفيه قطع صغيرة لطيفة، الكوكيز كان طعمها زي الكوكيز العادية بس كانت لذيذة.

كب كيك الفانيليا كنا مفتونين بها خاصة أن كان عليها Icing أخضر زاهى كان شكلها عامل زي الوردة، مسكرة وهشة، ده كان أفضل وألذ حاجة فيها، الميني أوريو كب كيك كانت منفجرة من الشوكولاتة، في حين أن النوتيلا كب كيك كانت مالهاش طعم، كان عليها من فوق icing من الشوكولاتة باللبن، بدلاً من المفترض يكون فوقها طبقة كثيفة من النوتيلا!

فى حين أن “شيري أون توب” بـ يعمل زبادي مثلج منعش لزبائنه الحرانين، إلا أننا ما حسيناش المرة دي أن الكب كيك عنده مميزة زي الزبادي المثلج اللى مشهور به.  

نصيحة 360

الفرع هنا بـ يهدف أنه يوفر خدمة توصيل خلال أسبوع.

أحسن حاجة

طعم الزبادي المثلج وهمي.. حتى من غير ما نحط عليه أى إضافات.

أسوأ حاجة

الكب كيك مش جامدة أوى عندهم، وحتى ما تنافسش الأماكن المشهورة بالكب كيك فى القاهرة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح