The Definitive Guide to Living in the Capital , Cairo , Egypt

برجركيو – Burgerque

برجركيو: برجر رائع جديد فى المعادى

  • شارع 6
  • برجر
  • 1
  • 1 ظهرًا: 1 فجرًا
تم التقييم بواسطة
Gaser El Safty
قيم
قيم الآن
برجركيو: برجر رائع جديد فى المعادى

أكيد المنافسة فى سوق البرجر شديدة جدًا. ومع عدم وجود أى نقص فى عدد مطاعم القاهرة على اختلاف أنواعها وتدرج مستواها، الجدد على الساحة قصادهم حل من اثنين: تقديم خلطة سحرية جديدة على السوق، أو السقوط فى بئر النسيان.

المعادى دائمًا وأبدًا بـ ترحب بالمطاعم الجديدة، “برجركيو – Burgerque” على شارع 6 الهادئ، هو أحدث إضافة لترسانة من اختيارات البرجر الجامد والمميز عن الموجود فى الأماكن القريبة من قلب البلد، وتحديدًا فى الزمالك.

المطعم مكون من منطقة مقفولة للأكل بديكورات شيك مع حوائط خشبية خفيفة، ومطبخ مفتوح ومعزول عن مكان الأكل بزجاج، مع منطقة قعدة مكشوفة. أول ما توصل هـ يرحب بك الجرسونات بكل ود، بعدها يوصلوك لمكان مناسب ويسلموك المنيو.

لو بـ تفكر تطلب أكلة خفيفة، يبقى برجركيو مش المكان المناسب. المكان أقرب لمركز للأكل الدسم، وإحنا بصراحة نعشق حاجة اسمها أكل دسم. مع العيش بجودته الممتازة والإضافات غير التقليدية ما بين التوت البرى وجبن البرىbrie ، ووصولاً للأفوكادو بالبيض والبيكون يكملهم أصناف جانبية من البافالو وينجز والبطاطس بالجبن، بجانب السلاطات، اللى تشمل سلاطة برجر مثيرة وسلاطة سلامون بجبن الريكوتا.

تمام، كده يبقى خلصنا من تجهيز الأجواء الجامدة، ويتبقى ندخل على المنيو، من بين أصناف المقبلات، طلبنا بافالو وينجز (27 جنيه)، تشيز فرايز (19 جنيه) و”ذا وركس فرايز – The Works Fries” (33 جنيه).

كل واحد منهم كانت كميته مناسبة، البافالو وينجز قُدمت فى طبق أبيض مستطيل، معاه صوص بلو تشيز وأعواد كرفس. صحيح طعم الفراخ كان لذيذ وطازج لحد كبير، صوص البافالو كان محتاج يتشطشط شوية زيادة، غير كده الموضوع كان لخبطة وممتع، الجانب الكويس من اللخبطة طبعًا.

التشيز فرايز كانت طازجة وسميكة، قُدمت فى كأس معدنى كبير، وكانت غرقانة فى صوص شيدر لذيذ. مافيش كلام أن الفرايز تشيز عجبتنا ع الآخر، بس لازم تأخذ بالك من حاجة مهمة: هى برضه ثقيلة شويتين.

ذا وركس فرايز، المقطّعة على شكل حلقات، كان عليها كريمة قشدة وبيف بيكون مقلى لذيذ، وفوق كل ده كمية إضافية من القشدة والكاتشب. النوعين المختلفين من البطاطس نجحوا فى إبهارنا كون البطاطس نفسها معمولة بحرفية ممتازة.

من البرجر المتنوع طلبنا حاجة تقليدية، BGQ برجر (45 جنيه)، وحاجة مليانة إضافات علشان نجرّب الابتكار، “ذا بريت The Brit” (64 جنيه).

الشيدر كان كثير جدًا فى BGQ برجر، بزيادة يعنى. الساندويتش احتوى على الإضافات المعتادة من الخس، والطماطم، والمخلل، واحتفظ بعصارة البرجر، اللى كانت هائلة مع الشيدر، وقدروا يثبتوا أن أحيانًا البساطة فى التنفيذ هى أحسن طريقة.

ساندويتش ذا بريت على الناحية الثانية، اللى كان عليه خس، وطماطم، ومخلل، وأفوكادو، وبيض وبيف بيكون، طعمه كان روعة، بدون أى مبالغة. صحيح البيض والبيكون بـ يضيفوا كثير لأى برجر، الطماطم كانت شوية زيادة على الفاضى وعملت نداوة كثيرة فى الساندويتش. أضف كمان على كلامنا أن الأفوكادو ما كانش مطبوخ أو ناضج، وكان عليه بهارات، وده كان كثير على نكهة الأكل.

لما نتكلم على البرجر، أغلب الأكيلة لهم أماكنهم المفضلة و هـ يفضل ولائهم لها. على العموم، برجركيو يستحق تغير عاداتك وتجرّبه.

نصيحة 360

برجركيو بـ يقدم شيشة من ولعة.

أحسن حاجة

أجواء لطيفة وبرجر صحّى ممتاز.

أسوأ حاجة

تجهيز الأكل احتاج وقت أطول من المعتاد.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح