The Definitive Guide to Living in the Capital , Cairo , Egypt

عدد من مطاعم القاهرة لهم زبائن دائمين من العائلات بـ يزوروهم كل يوم جمعة كنوع من الطقوس العائلية. الفكرة فى المطاعم دى أن طالما الناس بـ ترجع ثانى، يبقى مافيش مشكلة أن جودة الأكل تتدهور.

مثال على كلامنا “تشيليز – Chili’s” المعادى، خبير الستيك المشوى زيادة عن اللزوم، تشوفه مليان عائلات كل يوم جمعة، على الرغم من موقعه المريع فى بندر مول، لكنه قدر بطريقة ما ينجح وسط الأزمة الاقتصادية والمشاكل الحاصلة فى مصر، وكل ده مع تقديمه لأكل أقل من المتوسط.

المحل بـ يقدم الشكل التقليدى لمطاعم المهاجرين المكسيكيين، مع قعدة فى الخارج بـ تكون حر جدًا وقت الصيف. هـ تنتظر شوية لو كنت رايح فى الويك إند، وكمان توقع وقت طويل لتقديم الأكل.

الموضوع فعلاً كان مخيف، قعدنا بعد ما انتظرنا حوالى ربع ساعة. دخلنا على طول على المنيو علشان نقلل من وقت الانتظار. من  بين المقبلات، طلبنا فاهيتا تريو (82.99 جنيه).

وصل الطبق الساخن معاه بصل وفلفل حلو، مكون من لحم، فراخ وجمبرى، معاهم لفائف صغيرة من التورتيا، وقشطة حامضية مع سلاطة مكسيكى. الفراخ واللحم كانوا مطبوخين بزيادة لدرجة أنك صعب تقضم منهم، والجمبرى على الناحية الثانية تشعر أنه مجمد، وبرضه صعب المضغ.

من بين الأطباق الرئيسية، طلبنا ساوث ويست ريب آى (114.99 جنيه) وكريسبى هونى تشيبوتيل تشيكن (52.99 جنيه). الطبق بـ يُقدم معاه بطاطس مهروسة مع جبن وقطع بيكون، وكمان خضار سوتيه، ونقدر نقول أن تتبيلة الساوث ويست ريب آى فعلاً كانت أصلية، وعليه زبدة بالبهارات. كنا طالبين الستيك medium rare، لكن اللى وصل لنا كان بعد well-done بدرجتين مثلاً. طبعًا مع طريقة الطبخ، صعب تشعر بطعم التتبيلة أو طعم الزبدة، كل اللى هـ تشوفه طعم سيء للحم مفحم.

أما بالنسبة للفراخ فكانت أحسن كثير. بـ يُقدم معاها بطاطس محمرة وصوص هونى تشيبوتيل، وصحيح كانت مطهية زيادة، لكن ده ساهم فى تحسين طعم الطبق بطريقة غير مباشرة. الفراخ كان لها طعم مقرمش لذيذ، رغم أنها كانت صعبة المضغ شوية، أما الصوص فكان هائل.

فى محاولة مننا لإنقاذ ما يمكن إنقاذه، قررنا نجرب الحلو يمكن يقدر ينقذ الموقف. للأسف كنا غلطانين.

طلبنا براونى صانداى على أمل الاستمتاع بطعم الآيس كريم فانيليا الذائب فوق الشوكولاتة اللذيذة. النتيجة أن وصل لنا براونى عديمة الطعم وبالكاد دافئة. رغم كده الآيس كريم كان معقول، لكن اوعى تتخض من لونه الأصفر، ده صفار البيض الموجود فى وصفة تحضر الفانيليا الفرنساوى.

الواحد مننا ممكن يفهم سبب جاذبية تشيليز: منيو كبيرة فيها أكل مشبع بسيط. لكن إزاى قدر يحافظ على شهرته ويتماسك وسط مشاكل البلد الاقتصادية، هو ده اللغز الحقيقى.