The Definitive Guide to Living in the Capital , Cairo , Egypt

مطاعم -
شوجن – Shogun

شوجن: تبانياكى وسوشى روعة فى إنتركونتيننتال سيتى ستارز

تم التقييم بواسطة
Ahmed El Dahan
قيم
قيم الآن
شوجن: تبانياكى وسوشى روعة فى إنتركونتيننتال سيتى ستارز

رغم أنهم يعتبروا من أكثر المطابخ المحبوبة بين مطاعم القاهرة، وكمان فى شوية فنادق، مطاعم الأكل اليابانى والسوشى نادرًا ما بـ نشوف فيها إيتامى itamaes، ودى بالبلدى كده معناها طباخين مدربين على تحضير أكل بشكل فنى. على العموم، فى الدور الثانى من بدروم إنتركونتيننتال سيتى ستارز، “شوجن – Shogun” بـ يحاول بكل طاقته تقديم تجربة يابانية بحق وحقيق.

اليابانيين عندهم مبدأ كده جنب طبعًا أن الزبون يأكل، المبدأ ده أن عملية الطبخ نفسها لازم تكون مسلية؛ اللعب بمكونات الأكل وتحضير الأكل على طريقة النينجا بـ يخلى الناس مستنية على نار تجرب الأكل. مع الكلام ده وجنبه طبعًا قدرة المطبخ اليابانى على تحضير كل النكهات والأذواق الممكنة، ما كانتش مفاجأة أن الناس بـ ترجع لهم مرة ثانية.

وسط جو فريد من نوعه، تحس فى شوجن أنه كان فى يوم مخزن، ودلوقت تحول لمطعم راقى بديكوراته الشرقية الأصيلة. المحور الأساسى اللى بـ يلعب عليه المطعم هو التشكيلة المبهرة من الأسماك المدهشة، العائمة وسط شعب مرجانية فى حوض السمك المستقر وسط المطعم. زبائن المطعم عندهم اختيارين: ترابيزات –للسوشى بس– أو واحد من البارات المحيطة بشوايات التبانياكى.

أولاً، طلبنا بلاك هورس سبيشال رولز Black Horse rolls المخصوصة (120 جنيه)؛ عبارة عن رولات لذيذة مسكرة نص نص ومحشية جمبرى وأرز. بعدها بشوية استمتعنا بمجموعتهم من “كُل سوشي على قد ما تقدر” (250 جنيه)، ومعاها شوربة ميسو، على عكس أى مطعم سوشى ثانى، شوجن مليان اختيارات مالهاش حصر من الساشيمى، وده بـ يوفر للأكيلة فرصة أكبر للاستمتاع بأكلة سمك مميزة من غير أى كاربوهيدرات.

جمهور السوشى هـ ينبسط لما يعرف أن شيفات شوجن مش بـ يبخلوا فى قطعيات السمك، وكل قطعة من النيجيرى nigiri، والرولز وحتى الساشيمى كانوا مكونين من قطعة كبيرة من السوشى. مع درجة حرارة ممتازة –أبرد شوية من درجة حرارة الغرفة– شوجن بـ يقدم أعلى جودة سوشى مع نكهات مميزة وقوام طرى. انبهرنا بجد من وايلد نورويجان سلامونwild Norwegian salmon والرولز المعمولة بشكل متقن.

تحت رعاية أوجوشو تبانياكى  Ogosho Teppanyaki بسعر 395 جنيه، وصل لنا قطع طرية من الأستاكوزا، شرائح لحم، شوربة، سلاطة وأرز. رغم أن الأستاكوزا كانت مملحة شوية، باقى السى فوود كان متحضر بامتياز بقوام طرى لذيذ. انبهرنا من طريقة الإيتامى، تقديمها كان مسلى فعلاً، بس سوء تقدير بسيط من الشيف المتمكن تسبب فى وقوع بيضة مكسورة على مكان تحضير الأكل.

كل اللحم الموجود مستورد من أستراليا، وده يضمن جودة عالية نتيجة سمعتهم المعروفة. لما سألونا، طلبنا اللحم يكون تسويته متوسطة وفعلاً كان روعة بطعمه المدخن وقوامه الطرى العصارى.

مافيش شك أن شوجن بـ يقدم وجبات لذيذة بطريقة تحضير مبهرة. الفكرة أن حالة الارتباك بين الموظفين دليل أن أسعارهم العالية مش مبررة، حتى لو كان مطعم فى فندق.

نصيحة 360

خلوا بالكم المكان بـ يقدم مشروبات كحولية!

أحسن حاجة

السوشى والتبانياكى كانوا روعة.

أسوأ حاجة

الأستاكوزا كانت مملحة جدًا، بدل ما نستمتع بجمالها كانت نقطة سوداء فى الأكل.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح