The Definitive Guide to Living in the Capital , Cairo , Egypt

مطاعم
شيروودز – Charwood’s

شيروودز: أخيرًا مطعم ستيك حقيقى فى أركان مول الشيخ زايد

  • أركان مول - أمام مدينة زايد 2000
  • فرنسي
تم التقييم بواسطة
Yasmine Nazmy
قيم
قيم الآن
شيروودز: أخيرًا مطعم ستيك حقيقى فى أركان مول الشيخ زايد

“شيروودز” من زمان اسم معروف لكل محبى الستيك فى القاهرة.
البداية كانت بفرع واحد فى شارع جامعة الدول العربية فى المهندسين، لكن أخيرًا «شيروودز»
بدأ ينتشر فى المدينة.

الفرع الجديد فى أركان مول اللى لسه فاتح جايب لنا علامة
“شيروودز” المميزة لحد أطراف المدينة. محافظ على بساطته ورُقيه ومجموعة
الاختيارات المتخصصة المنتقاه، وكده فرع شيروودز الجديد زود أماكن الخروج المتاحة
لسكان الشيخ زايد.

هانى كبير الجرسونات على مدار الخمس سنين اللي فاتوا على
الأقل موجود فى فرع الشيخ زايد علشان يزود إحساسك بالألفة فى المكان. المنيو تقريبًا
نفس بتاعة المهندسين، مع إضافات بسيطة زى الفراخ المشوية والشيش طاووك، الاثنين
سعرهم75  جنيه. ستيك ريب أى الاسترالى
بـ يُقدم بـ 190
جنيه. الفرق فى الأسعار بسيط جدًا، مع إضافة من 5: 10 جنيه على كل طبق.

المكان من الداخل واسع وغرقان في اللون الأبيض على طريقة
شيروودز المعتادة، رغم كده افتقدنا الشكل الجمالى اللى بـ تضيفه تشكيلات الزجاجات
مع قطع الديكورات النحاسية الموجودة فى فرع المهندسين. قالوا لنا أنها هـ توصل
قريب، لأن المطعم لسه بـ يستقر فى مكانه الجديد. ممكن تجرب القعدة بالخارج لو بـ تحب
تتعشى فى الهواء المنعش، بس اعمل حسابك تجيب مبيد حشرات معاك.

المكان فيه بار، وكالعادة أول ما وصلنا قدموا لنا سلاطة
خضراء وخبز طازج. قررنا نجرب أطباقهم الجديدة، وعلشان كده طلبنا نصف فرخة مشوية بـ
تُقدم مع بطاطس مهروسة وخضروات مشوية (75 جنيه). ولأننا متعودين على مستوى
معين من شيروودز ما انبهرناش قوي بالطبق، الفراخ كانت صغيرة ومالهاش طعم قوي.

على الناحية الثانية، جربنا شريحة لحم شاتوبريان chateaubriand اللى بـ تُقدم مع بطاطس مهروسة
وخضروات، كانت لذيذة وقطعة الستيك كانت كبيرة وبـ تذوب فى الفم (115
جنيه/نصف كمية، 215
جنيه/ لضعف الكمية).

رغم أن التجربة كانت ممتعة، لكن محتاجين يوصلوا لمستوى
فرع المهندسين.

نصيحة 360

علشان أول مطعم يفتح فى أركان مول بـ يكون زحمة فى الويك إند، حاول تحجز بدرى.

أحسن حاجة

أخيرًا مطعم ستيك فى الشيخ زايد.

أسوأ حاجة

لسه ما وصلش لمستوى فرع المهندسين.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح