The Definitive Guide to Living in the Capital , Cairo , Egypt

لا بوتيك

لا بوتيك: أطباق ضخمة في الدقي

  • 1 ميدان عمان
  • مصري
  • 0233361883
  • 10AM-2AM
تم التقييم بواسطة
Jessica Noble
قيم
قيم الآن
لا بوتيك: أطباق ضخمة في الدقي
لأننا من محبي البوتيكات لما بـ نتسوق، قررنا نجرب نفس الفكرة بس في مجال المطاعم. لما شفنا “لابوتيك” في ميدان عمان بالدقي دخلنا فورًا علشان نتعشى. في الأول، شدنا الأثاث اللي شبه غرف النوم الفرنسية القديمة، وخاصة مع التناقض الواضح في نقوشه المودرن اللى على أشكال الورود وألوان الوردي، والذهبي، والرمادي.
بس بعد ما تبص وتركز أكثر، ح تكتشف أن الأثاث وورق الحائط مهترئين ومقطعين شوية. على الرغم من كده قبلنا نأخذ المنيوهات الوردية والبنفسجى الكبيرة المغلفة من النادل، بس نفسنا نعرف إيه المشكلة لما يمسحوها من فترة للثانية!
أخذنا نظرة على المقبلات، وأطباق الشوربة، والمكرونات، والبيتزا، والسلاطات، والبرجر، وأطباق وساندويتشات اللحوم، لحد ما حسينا أن الاختيارات مش بـ تخلص. كنا مبهورين بكمية الأطباق اللي مضاف عليها صوص لابوتيك الخاص، وعلشان كده كان لازم أننا نكتشف مكونات الصوص الغامضة.
تغاضينا عن أطباق المشويات المصرية والمقبلات التقليدية وقررنا نجرب طبق سباجيتي بولونيز (39.5 جنيه) وسلاطة التونا نيكواز (34.75 جنيه) المغطاة بالصوص المثير.

قائمة المشروبات برضه كانت متشعبة ومليانة بأعداد لا حصر لها من الفرابيتشينو، والعصائر الفريش (من 17.95 إلى 28.95 جنيه)، ومشروبات الصودا، والكوكتيلات، والمشروبات الساخنة. حتى القرفة باللبن موجودة عندهم (13.95 جنيه)، و أكيد هـ تبقى رائعة في جو برد زي ده.

المهم أننا اختارنا في الآخر كوكتيل صن شاين، مزيج من الجرينالدين المركز والسبرايت وكوكتيل فلوريدا (20.95 جنيه للواحد)، وهي مزيج من المانجو، والجوافة، والبرتقال. الصن شاين كان طعمه عادي، إلا أن الفلوريدا كان أحسن مما توقعنا، سميك، وطازج، ومسكر، وملئ بالنكهة في نفس الوقت.
وعلى الرغم من أن ما كانش فيه غيرنا في المكان، إلا أن الأكل أخذ وقت طويل لحد ما وصل، ورغم أن الجرسون اللطيف كان بـ يعتذر كل شوية، إلا أن ده ما قدرش يسكت جوعنا خالص.
الكويس أن الأكل وصل بكميات حسستنا أن الموضوع كان يستاهل الانتظار. سلاطة النيكواز كانت لذيذة، ومليانة قطع بطاطس، وفلفل، وفاصوليا خضراء، وبيض مسلوق. وارتاحنا جدًا لما اكتشفنا أن الصوص الخاص طلع صوص ماري روز الوردي الكلاسيكي المعتاد، بس الحلو في نفس الوقت. طبق السباجيتي بولونيز المغطى بجبنة البارميزان كان كبير بس مملح زيادة، وما كانش عليه صلصة طماطم كفاية. للأسف، لسه محتاجين ندور على طبق البولونيز الكامل في القاهرة.
بعد ما خلصنا ما كناش قادرين نطلب طبق حلويات، وحتى أخذنا بقية السلاطة معانا البيت.
الأكل كان بسيط، والكميات كانت كبيرة، فغالباً هـ نرجع ثاني لخروجة هادئة في المكان ده. المرة اللي جاية لازم هـ نجرب مختاراتهم من الشيشة اللي بـ تتراوح بين النكهات المعتادة (10 جنيه) وحتى النكهات الغريبة والفواكة (19 جنيه).

نصيحة 360

"لابوتيك" كمان بـ يوصل، دور على المنيو بتاعهم على موقع المنيو أو اتصل بهم على 0233361883.

أحسن حاجة

كميات الأكل الكبيرة.

أسوأ حاجة

انتظار الأكل فترة طويلة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح