The Definitive Guide to Living in the Capital , Cairo , Egypt

مكاني – Makani

مكاني: أكلات خفيفة وسوشي في مول داون تاون القطامية بالقاهرة الجديدة

  • داخل قطامية داون تاون مول
  • عالمي
  • 16669,0229297046
  • 10 صباحًا - 2 صباحًا
تم التقييم بواسطة
Aliaa Serry
قيم
قيم الآن
مكاني: أكلات خفيفة وسوشي في مول داون تاون القطامية بالقاهرة الجديدة

بالرغم من أن مكاني مش من الأماكن الجديدة على خريطة المطاعم في القاهرة، إلا أننا نادرًا ما بـ يذكر ضمن المطاعم اللي بـ تقدم أكل ما تذوقتوش قبل كده. يحسب له استمراره بثبات حتى بعد تعديل المنيو من وقت مش بعيد، والدليل على الاستمرار أن مكانيMakani فتح فرع جديد في مول داون تاون القطامية بالقاهرة الجديدة.

بـ يميز الفرع الجديد أن فيه أماكن للجلوس داخل وخارج المطعم، الديكورات ما تختلفش عن الفروع الثانية؛ نفس مجموعة الألوان الترابية الفاتحة بالإضافة لمجموعة من البلاطات الملونة. استقبلنا الجرسون أول ما دخلنا، وقعدنا في منطقة الأوت دوور زي ماطلبنا. أثناء زيارتنا المكان كان نوعًا ما زحمة، ولكن من غير ما يضغط على أعصابك.

بالرغم من تعديلات المنيو والاستمرار، إلا أن مكاني عيبه أنه بـ يقدم كل ما هو معتاد تقديمه في أي كافيه عادي. والاختيارات "الآمنة" دي بـ تشمل كل حاجة: أنواع الشوربة واللي أسعارها بـ تتراوح بين 24 جنيه و28 جنيه،  سلاطات (من 35 حتى 52 جنيه)، ساندوتشات (24 – 47 جنيه)، وأطباق محدودة من الباستا والحلويات. أما السوشي فمكاني بـ يقدم مجموعة كبيرة من الساشيمي والرول المقلي زي النيجيري، تشيراشي وغيرهم.

طلبنا من الجرسون –اللي جاء بسرعة علشان يأخذ الطلب- مجموعة من فواتح الشهية، أولهم سلاطة سيزار بالفراخ (45 جنيه)، سبرينج رولز بالخضروات (19 جنيه)، وسبرينج رولز بالجمبري (28 جنيه). طلبنا من جرسون الشيشة واحدة بالفراولة والكريمة (45 جنيه) واللي كانت أول حاجة تقدمت لنا، قبل بقية الطلبات اللي هي نفسها ما أخذتش وقت في الوصول.

الشيشة كانت مسكرة بالنسبة لنا، ده غير أنها كانت ثقيلة جدًا لدرجة أننا تعبنا بعد فترة تدخين مستمر منها. أما السبرينج رولز فكانت مقرمشة ومضبوطة، مكوناتها وفيرة. السلاطة كانت خفيفة وفريش، ولكن حسينا أن ناقصها حاجة.

الخدمة كانت مضبوطة وسريعة، حتى جرسون الشيشة كان متابع الولعة باستمرار، ولكن للأسف الموضوع اختلف تمامًا لما طلبنا الحساب؛ طلبناه حوالي 3 مرات وجاء به في المرة الرابعة. اللطيف أن كل مرة نقول له أننا طلبناه المرة اللي قبلها، ينكر تمامًا أن ده حصل.

من الآخر مكاني مناسب لقعدة حلوة، الأكل والخدمة مستواهم جيد. يمكن ما يختلفش كثير عن الفروع الثانية فيما عدا الاستفادة من اتساع المكان وموقعه.

نصيحة 360

مكاني عنده خدمة توصيل الطلبات، اتصل على 16669.

أحسن حاجة

الأكل مستواه جيد.

أسوأ حاجة

التأخير في تقديم الحساب.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح