The Definitive Guide to Living in the Capital , Cairo , Egypt

مدن الملاهي تعتبر من أماكن الترفيه اللي بـ تسبب بهجة وسعادة للأطفال، ومش للأطفال فقط بل الكبار كمان، رغم ما تحتويه بعضها من ألعاب خطيرة أو تحتاج لامتلاك روح المغامرة، وبالتالي انتشرت بنسبة كبيرة في الفترات الأخيرة سواء كانت على نطاق واسع زي أشهرهم دريم بارك أو على نطاق ضيق زي الملاهى الموجودة في المولات أو الحدائق وغيرها.
في الموضوع ده جمعنا لكم مجموعة من أشهر مدن الملاهي فى القاهرة، وهـ نعرفكم مواعيد العمل فيها وأشهر الألعاب اللي بـ تتمز بها بالإضافة لأسعار تذاكر الدخول وأسعار الألعاب وغيرها من التفاصيل:

 

دريم بارك:

من أشهر مدن الملاهي في القاهرة لمساحتها الشاسعة وألعابها المتنوعة، موجودة فى مدينة 6 أكتوبر قريب من مدينة الإنتاج الإعلامي، تعمل طوال أيام الأسبوع من الساعة 10 صباحًا إلى 9 مساءً، بالنسبة لأسعار التذاكر بـ تختلف على حسب المميزات اللي فيها، اعرفها كلها من على موقعهم على الإنترنت.

مؤخرًا أضافت دريم بارك لعبةPaintball  بـ تكون عبارة عن رماية فيها 15 طلقة بـ 10 جنيه، 40 طلقة بـ 25 جنيه، 50 طلقة بـ 30 جنيه و100 طلقة بـ 55 جنيه، واللعبة بـ تتم حسب قواعد معينة، لو عاوز تعرف القواعد دي وتعرف أماكن ثانية ممكن تلعبها فيها شوف دليل كايرو 360 للعبة الـ Paintball.

في دريم بارك دخول الأطفال من سن 3 سنوات فأكثر بـ يكون بفئات التذاكر، والأقل من 3 سنوات الدخول مجانًا.

دولفين بارك:

وده مثل كبير لأكثر مدن الملاهي أمانًا وخاصة للأطفال، موجودة في مدخل مدينة 6 أكتوبر، دولفين لاند مول، المحور المركزي أمام جهاز 6 أكتوبر.

أسعار الدخول 3 جنيه والألعاب بـ تبدأ من 7 جنيه إلى 10 جنيه، ومفتوحة من 12 ظهرًا إلى 10 مساءً فى الشتاء، أما الصيف لحد 12 منتصف الليل، ممكن تعرف تفاصيل كثيرة من خلال الاتصال بـ 3838343402 – 01113258888 – 01026000622 – 01016484646.

 

وندر لاند:

فيها أكثر من 25 لعبة، فيها كمان مجمع سينمات ومول، وبولينج، وبلياردو، ومسرح لإقامة الحفلات الغنائية وأنشطة أخرى، موجودة فى شارع ابن العتاهية فى عباس العقاد، الحي السابع، مدينة نصر، بجوار الحديقة الدولية.

سعر التذكرة للفرد 10 جنيه بداية من 4 سنوات، وأقل من 4 سنوات الدخول مجانًا، سعر الألعاب بـ يبدأ من 5 جنيه إلى 7 جنيه، وتقدر تشتري دفتر ألعاب وندر لاند بـ 25 جنيه وفيه تخفيض للعبة أو لعبتين حسب نوعية الألعاب، اتصل بـ 0224018807 – 0224018843 – 0224018834.

 

ماجيك لاند:

المدينة الوحيدة اللي بـ تحتوى علي العديد من الأنشطة غير الملاهي منها: المسرح الكبير للعروض المسرحية، وعروض الدولفين، وجزيرة الديناصورات، والنهر السريع، ومبنى الألعاب الإلكترونية.

موجودة فى طريق الواحات، مدينة السادس من أكتوبر، داخل مدينة الإنتاج الإعلامى، بوابة رقم 7، شغالة صيف وشتاء طوال أيام الأسبوع من 10 صباحًا إلى 11 مساءً.

سعر التذكرة 40 جنية شاملة جولة في مدينة الإنتاج الإعلامي بالإضافة إلى الدخول المجانى لـ 7 ألعاب، للاستعلام اتصل بـ 0238555241 – 0238555242 – 0238555243.

 

السندباد:

موجودة عند سور مطار القاهرة الدولى، النزهة الجديدة، مواعيدها فى الشتاء من 10 صباحًا إلى 6 مساءً، وصيفًا من 4 ظهرًا إلى 11 مساءً، سعر تذكرة الدخول 5 جنيه، وأسعار الألعاب تبدأ من 3 جنيه إلى 5 جنيه، وتقدر تتصل بهم 0226244001 – 0226244002 – 0226244003.

أكوا بارك:

من أهم مدن الألعاب المائية بالشرق الأوسط، على بُعد 10 دقائق من مصر الجديدة، عند الكيلو 31 طريق مصر الإسماعيلية الصحراوي، بجوار أكاديمية المستقبل، شغالة فى الصيف فقط من شهر مايو إلى شهر أكتوبر من 10 صباحًا إلى 6 مساءً، فيها 5 حمامات سباحة، وألعاب مائية وحمام سباحة خاص بالسيدات.

الأسعار 115 جنيه للكبار و95 جنيه للأطفال شاملة وجبة غذاء، الأطفال تحت سن 3 سنوات بـ يدخلوا مجانًا، اتصل بـ 024772246 – 01223926361 – 012221392181.

 

كريزى ووتر:

مدينة ملاهي مائية تصلح لجميع الأعمار، مكانها فى امتداد محور 26 يوليو، الشيخ زايد، بجوار هايبر وان، شغالة فى الصيف فقط من شهر مايو إلى شهر أكتوبر، يوميًا من 10 صباحًا إلى 6 مساءً، أسعار التذاكر بـ 65 جنيه شاملة كل الألعاب، و95 جنيه شاملة وجبة الغذاء، والأطفال أقل من 4 سنوات مجانًا، تليفونهم 01222109912.

 

حاجة مهمة لازم نقولها أنك لازم تتصل قبل ما تروح لأي من الأماكن السابقة علشان ساعات بـ يحصل تغيير مفاجئ للمواعيد أو بسبب الصيانة، كل أماكن الملاهي السابقة فيها مطاعم وأماكن لتناول المأكولات والمشروبات، فمن الأفضل الاستفسار قبل ما تروح علشان تعرف مسموح بدخول الأطعمة والمشروبات ولا لأ، كذلك مع الحيوانات الأليفة والأطفال الرضع للأمان، واعمل كمان حسابك فى أدوية ممكن تتناولها لحدوث أي نوبات صحية فجأة.