The Definitive Guide to Living in the Capital , Cairo , Egypt

بصفته واحد من المطاعم المفضلة فى القاهرة، “كورتيجيانو- Cortigiano” عمره ما تم اعتباره من سلاسل المطاعم الرائدة، لكنه يفضل محتفظ بمكانته بفضل اختياراته المتنوعة، أكلاته المناسبة وأسعارة المعقولة.بعد كل الكلام ده، مش مفاجأة ظهور فرع لهم فى مجمع المطاعم الكبير إميرالد إمباير فى القاهرة الجديدة.

بعد استقبالهم لنا فى المدخل الموجود فى الدور الأرضى، طلعنا السلالم لمكان الجلوس، اللى بـ يقدم ديكوراتهم البسيطة المميزة لهم، مع الإضاءة الخافتة وعدد كبير من الحليات الخشبية المأكسدة. كعادة كورتيجيانو المكان كان زحمة ع الآخر، جوه وبره، وبالتالى كان صعب الجرسونات يركّزوا معانا.

وكعادة كثير من السلاسل المحلية، منيو كورتيجيانو الضخمة اللى رغم ادعائهم أنه مطعم إيطالى، بـ تقدم بشكل كبير أكلات عالمية. مع تقسيمها لأقسام شوربة، مقبلات، سلاطات، فراخ، لحوم، ومأكولات بحرية، مع اختيارات من البيتزا والمكرونات، عدد الاختيارات المختلف عن بعضه يمكن يكون مش مريح شوية.

طلبنا من منيو المشروبات المليانة بنفس الشكل، عدد من معلبات الصودا (6جنيه)، لكنهم نسيوها، ووصلت فى وسط الأكل بعد ما طلبناها منهم أكثر من مرة. على العموم، سلة من شرائح الخبز الأبيض وصلت فورًا لترابيزتنا، مع كمية بسيطة من الزبدة.

بالنسبة للمقبلات، طلبنا شوربة كريمة فراخ (19.95جنيه)، وشوربة طماطم (17.95جنيه). ومنثانى، الخدمة كانت بطيئة، لكن عجبتنا كمية الأكل الكبيرة. شوربة الفراخ كانت دافئة، غنية بالكريمة، مع قطع لذيذة من الفراخ. على الرغم من طعم شوربة الطماطم اللطيف، لكن طعمها كان صناعى شوية.

نروح على الأطباق الرئيسية، مع اختيارنا لسمك فيليه بصوص الليمون، أوfilletto di branzino بسعر 45 جنيه وطبقين سباجيتى كورتيجيانو (46.95جنيه) مكرونة بالمشروم، وفراخ وصوص كريمة. طلبنا الاثنين مكرونة بنا بدلاً من السباجيتى، وواحد منهم بدون مشروم.

واضح أنهم نسيوا طلبنا، والسبب كان وجود قطع المشروم فى الطبقين، وعلشان كده رجعنا الطبق، ووصل قرب نهاية الأكل. رغم كمية المكونات الكبيرة، طريقة طبخ المكرونة كانت بعيدة كل البعد عن الألدينتى، وكمان تتبيلة الصوص، الفراخ والمشروم كانت ضعيفة. المدير وصل علشان يشوف شكوتنا، وقرر يلغى طبق من الفاتورة.

حجم طبق السمك كان خرافى، مع الفيليه المقلى كويس بالقسماط. بسبب طعم الزيت القوى، غطينا السمك بكمية كبيرة من صوص الليمون السميك بطعمه المسكر بزيادة. طبق الخضروات الجانبى كان عادى جدًا، بس مرشوش عليه فلفل كثير شويتين، أما البطاطس المهروسة فكانت طرية ونكهتها مميزة، مشكلتها الوحيدة أنها نزلت باردة.

بعد وجبة ضعيفة شوية، ما خطرش على بالنا نطلب أى حلويات من الموجود؛ شوكليت كيك، تيشز كيك، فواكه طازجة أو آيس كريم (15.95للواحدة).   

تمسكًا منهم بسمعتهم، كورتيجيانو بـ يقدم كميات ضخمة من الأكل لعدد مهول –مش فارق معاه– من الجوعانين السهل إرضائهم.